SULABOI 3:36 - Tanou Moonsoi Timugon

³⁶ paat ra katimpakan patumbalikon, maaru' Tuhan makapandai raginio.

SULABOI 3:36 ပူးပေါင်းရင်းမြစ်များ

2 SAMUIL 11:27

Kopongo panguliran, pinoongoi ru Raja' Daut i Batsyiba ra istana, am nasauk io ra andu' ru Raja' Daut. Kukula' ngansila' raginio, naganak i Batsyiba ra sangulun anak ungkuyon, kaa' kalo maansukan Tuhan ra atan ondo' binaal noyo ru Raja' Daut.

MAZMUR 94:5

Kinuliagai nilo ulun Muno, iou Tuhan; inimpayan nilo longgom Muno.

AMSAL 24:12

Magu' lair mindagu kau ra babaal raginio sala' ka kandoi min, kaa' i Aki Kapuuno' makapandai am balasin no akau maya' ra binaal mino.

JISAYA 59:15

Kolondo' boo ulun mabanis guang, saboi osoi minggalur ra kalaatan, io galama' masauk ra mausung ru kalaatan.” Tuhan nakakito ra ngaangai' no, am kalo moonsoi gigilong Nano sabap kolondo' boo katimpakan.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

SULABOI 3:59

Nakakito Kou ra kalaatan ondo' binaal raki'; ginio ra saungo' baal kuno.

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

SAGULION 25:1

“Amon ru ruo ngaulun ru Israil mongoi ra makama koson manalasai ra pansangaran, am sangulun napandayan ra kolondo' sala am sangulun poyo napandayan ra makasala.