SULABOI 3:25 - Tanou Moonsoi Timugon

²⁵ Tuhan moonsoi ra moonong ulun ondo' mangintopot Riso.

SULABOI 3:25 ပူးပေါင်းရင်းမြစ်များ

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

MAZMUR 37:34

Lansan noyo ra Tuhan am gagayaa' noyo panusuban Nano; pataakon No pagun ti rirun koson mangurumat rirun, am makito mu ulun malaat inggalarin.

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

SULABOI 3:26

Ginio ra moonsoi inaani' takau Io ra tumaan guang, saboi Io mamayag ritakau.

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

MAZMUR 37:7

Pai' kalingas maginaa ra Tuhan, inaani' noyo am oroto' guang suku' ra Io mingkuor. Pai' kalasu' guang sabap ra ulun langkaya', kapoam sabap ra ilo ondo' masaga' mamparuung.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

2 TUNUNG RU BANSA' ISRAIL 31:21

Nakasugut Raja' Gijkia sabap ra ngaangai' ondo' binaal nano koson ra Baloi ru Tuhan kapoam koson gumagaya' ra Ukum ri Musa, pinaugar no ra sototopot ru guang am ra togom ri Aki Kapuuno' nano.

JAKUBUS 5:7

Sabap raginio, pabukat kau ngai', kataan kano saboi Tuhan no matong saguli'. Karaa' min noyo sangulun nanangumo; ati koson guang mataan nano ra io maginaa ra ampos ondo' lansanin nati toojo. Mabaya' ra guang mataan maginaa io ayuk ra rasam.

GOSIA 10:12

Indagu Aku, ‘Ukabo' tana' bagu ra tayar min galama', tiasi' ra sampug ru katimpakan, am kumoso' barakat ondo' inampos ru kinotopot ru togom min Raki'. Nasaboi paat no ra akau sumaguli' Raki', Tuhan min; matong Aku am mampasasar ra barakat ramuyun.’

JISAYA 64:4

Kalo igondo' osoi-osoi pana makakito kapoam mangkirongog ra suai intor Rirun, mokoondo' i aki kapuuno' ondo' mambaal ra baal koson raginio ra ulun lumansan riso.

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

JISAYA 55:6

Saguli' noyo ra Tuhan buoi ra maalap ayuk poyo; piawo' noyo Io buoi ra Io mamaar ayuk poyo.

MAZMUR 61:5

Polosoo' aku mayan ra kim Muno buoi ra aku maayag; maa' raginio mabayag aku ra saau ru kawo Muno.

MAZMUR 39:7

kaayagan nilo mansail koson ra babara'. Ngaangai' ru baalon nilono kolondo' onong; mangumung ilo ra rapu', kaa' kalo napandayan nilo osoi manungkus no.

MAZMUR 27:8

Mindagu guang kutu, “Ibok no sumamba Riso.” Mataki' aku matong, iou Tuhan;

MAZMUR 25:8

Sabap ra Tuhan no moonsoi am matimpok, tuluin No ulun nakalayau no ra ralan.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

MAZMUR 119:2

Pakaansuk noyo ilo ondo' sumugut ra panusuban Nano, am gumagaya' Riso ra sotopot-topot no.

KASAUKAN 49:18

“Maginaa aku ra pamayagan Muno Tuhan.

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

MAZMUR 22:26

Ralalom pantitimungan maayo ru ulun mangintopot Rirun, omporon Tokou sabap ra ngaangai' ondo' binaal Muno; ra talupak ru ngaangai' ulun ondo' sumamba Rirun patutuyon ku taak ondo' binantu' kuli.

JIPANYA 3:8

Indagu Tuhan, “Kaa' ilai' min! Inaani' ayuk orou ra Aku kumakat koson ra sasi' koson manguu' ra bansa'-bansa'. Namatas Aku noyo koson manimung ra bansa'-bansa' am pamarintaan-pamarintaan maa' raginio makalumpa' Ku sangit Kuno risilo. Titikop ru tana' ti pusoon ra apui ru sangit Kuno.

JISAYA 26:9

Salibuor kuno moondom Rirun bulintok molondom; uyumon Tokou ralalom pirot ru guang kuno. Bulintok ra Okou mangakim ra tana' ti ra maagu no, namagun nano makapandai ra arati' ru katimpakan.

MAZMUR 105:3

Pakaansuk kano sabap ra itakau ti Io ra longgom; ngaangai' ulun ondo' sumamba ra Tuhan, io no musiti' maansukan.

MAZMUR 61:1

Ra tingganai ru santimungan maririmbai. Ondo' sumbayaan ra jitor. Mazmur ri Daut.

MAZMUR 69:32

Baal raginio mapabansuk toojo ra Tuhan intor ra mapataak ra taak simbalui ru sapi', kapoam taak ru sapi' gawayan ra maayo.

2 TUNUNG RU BANSA' ISRAIL 30:19

“Iou Tuhan, i Aki Kapuuno' ru kinamatuaan mai, sabap ru kinoonsoi Muno, ampuno' noyo ilo ondo' sumamba Rirun ra sotopot ru guang, kabalu' pana ilo kalo poyo namasau ra inan.”

2 TUNUNG RU BANSA' ISRAIL 19:3

Kabalu' pana raginio, mokoondo' niayuk binaal ra moonsoi muno. Namatir kou ra tatandu'-tatandu' ru Dewi Asyira ondo' sambaan ru mamagun, am minirot kou nambaal ra kasagaan ri Aki Kapuuno'.”

IJRA 8:22

Manangguang aku makitaak ra pulalai mangkuda intor ra raja' koson magalung ramon intor ra pamulunsaran ru pantula' ralalom ru pangkiralanan. Binaal ku koon raginio sabap ra mambala' aku ra raja' ra i Aki Kapuuno' takau nambarakat ra moonong ulun ondo' lumansan Riso, kaa' sumangit Io am mangukum ra osoi pana ondo' kalo gumagaya' Riso.

MAZMUR 71:14

Masalok aku lumansan Rirun, rayusin ku ompor kuno Rirun.