SULABOI 2:8 - Tanou Moonsoi Timugon

⁸ Namatas noyo Tuhan koson lunsayon timbok ru Sion; Tukuon No timbok no maa' raginio ngaangai' no umokon No. Manara am timbok raino ti nasauk ra totopot nalunsai.

SULABOI 2:8 ပူးပေါင်းရင်းမြစ်များ

2 SAMUIL 8:2

Kopongo raginio nangala Raja' Daut ra ulun ru Moab. Nanusub io ra ulun inaput nano lumangan ra tana', pamatoi io boo ra ruo ngaulun intor ra moonong talu ngaulun. Ginio ra ulun ru Moab naala ra Raja' Daut am mambayar riso ra cukai.

2 RAJA'-RAJA' 21:13

Mangukum Aku ra Jirusalim koson ra Aku nangukum ra Samaria am Raja' Agab, panguasa' ru Israil, am niayuk papag nano. Pusoon Ku mamagun ru Jirusalim koson ra ulun mampaliung ra pinggan am palapiaton no.

AYUP 13:21

langgai' mangukum raki', am pai' palumpaa' raki' kuasa' Muno ra maayo kaga'.

JISAYA 22:5

Gitio noyo bulintok maajag-ajag, kaalaan, am sasou giu' ra Limayak Pinaintalang. Tuhan Raja' Ondo' Maayo Kaga' Kuasa' naparatong ra karaat raginio. Timbok-timbok ru bandar takano nangaaba', am tangi' ru ulun makiindangan mamintanou giu' ra bulur-bulur.

JISAYA 28:17

Katimpakan saukon Ku ra tali panunuku', am kabanisan ru guang saukon Ku ra tali unting.” Nansalinut abau ondo' masauk ra kalansanan mino malulun ru rasam batu, am sindungan mino pusoon ru liur maayo.

JISAYA 3:26

Kulobon garabang ru bandar, ulun mangulir am manulaboi, am bandar raginio masauk koson ra ruandu' linabasan, ondo' nanturung ra tana'.

JISAYA 34:11

Puok am bangkaak mayan ra intok raginio. Polosoon ru Tuhan giu' no kumuliasou-asou koson ra kalo poyo namangunan i.

JISAYA 5:5

Gitio noyo baalon kuno ra umo ru anggur kuno: bubulon ku insor ra liput nano, am mamalunsai ra timbok nakasindung riso, am mopoloso ra bibiag masigo mongkotop riso am manginginjang riso.

JIRIMIA 14:2

“Mangiluk guang ru Jiuda; mamagun ru bandar nano mamaar matoi. Liminuya' ilo ra tana' am mampalaa; gumolok Jirusalim makiindangan.

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

JIRIMIA 52:13

Sinolob no Baloi ru Tuhan, istana, am baloi ru ngaangai' ulun mangaatang giu' ra Jirusalim;

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

SULABOI 2:18

Okou Jirusalim, polosoon timbok muno gumolok ra Tuhan! Polosoon lomou muno tumilisan koson ra sungoi tumilis ra orou am rondom. Rayus no pantangi' am pangiluk saboi kou maagui.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

SULABOI 2:5

Koson ra pantula', namuso noyo Tuhan ra Israil; namuso Io ra ngaangai' kubu am istana nano. Namparuang Io ra kangilukan ru mamagun ru Jiuda.

YEHEZKIEL 20:22

Kaa' kalo binaal Ku ginio, sabap baal raginio mangkinibit ra inggalan Kuno asabin ru gino ngai' bansa' ondo' nakakito Raki' nagibit ra ulun ru Israil miningkual intor ra Misir.