SULABOI 2:21 - Tanou Moonsoi Timugon

²¹ Ulun matutuo am mamulok ngaangai' no minatoi giu' ra ralan-ralan, kamulakan ungkuyon am ruandu' pinatoi ra ilang ru pantula'. Pinatoi Mu ilo ra kolondo' guang makaasi' paat ra orou Okou sumangit.

SULABOI 2:21 ပူးပေါင်းရင်းမြစ်များ

2 TUNUNG RU BANSA' ISRAIL 36:17

Ginio ra Tuhan namparatong ra raja' ru Babilonia koson mamulunsar risilo. Namatoi raja' Babilonia ra ulun mamulok ru Jiuda, am poyo ulun soroi giu' ra Baloi ru Tuhan. Kalo nakaasi' raja' no ra osoi pana, mamulok am matutuo, ungkuyon am ruandu', ulun marualan kapoam ulun maligag. Pinataak ri Aki Kapuuno' ilo ngaangai' ra raja' ru Babilonia.

ESTER 3:13

Susuban no mataki' inataran ru ulun-ulun sinusub ra moonong wilayah ru pamarintaan. Suang ru susuban no nambala' ra ralalom songorou, iono paat ra orou koopor am talu ru sila' Adar, ngaangai' ulun ru Jaudi, matutuo am mamulok, ruandu' am lalaing, musiti' potoyon ra kalo makaasi', am rapu' nilo gaawon.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JIRIMIA 11:22

Ginio ra, indagu Tuhan Ondo' Maayo Kaga' Kuasa', “Ukumin Ku ilo! Tuu' bagu nilo matoi ralalom ru pangayawan am anak-anak nilo matoi ra bitil.

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 18:21

Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

JIRIMIA 21:7

Okou am pagawai-pagawai muno am niayuk ngaangai' ulun ondo' naayag intor ra pangayawan, bitilan am maruol tumapik, polosoon Ku rokopon ru Raja' Nibukadnijar am pantula' ondo' masaga' mamatoi ramuyun. Mamatoi Raja' Nibukadnijar ramuyun ngaangai' ra kalo mangampun kapoam makaasi'. Aku, Tuhan nakaindagu noyo.”

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 51:22

koson mamatoi ra ungkuyon am ruandu', koson mamuso ra ulun matutuo am ulun mamulok, koson mamatoi ra anak ungkuyon am ruandu',

JIRIMIA 6:11

Iou Tuhan, sangit Muno risilo niayuk malasu' ra ralalom ru inan kutu! Kalo noyo moorot ku.” Tuhan pana mindagu, “Paabuso' sangit Kuno ra lalaing-lalaing giu' ra ralan-ralan maayo am ra ulun mamulok ondo' tatanga' mantitimung. Mansawo rokopon, am ulun matutuo pana rokopon.

JIRIMIA 9:20

Indagu aku, “Rongogo' ragu ru Tuhan, ruandu' kau ngai', talinaasi' ragu Nano. Ilaa' noyo anak-anak ruandu' min ra manulaboi, ilaa' rangan-rangan mino ra marimbai ra rimbai panguliran.

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

SULABOI 1:15

“Kuritin ru Tuhan pantula'-pantula' kuno; nangator Io ra saujor koson mamuso ra ungkuyon mamulok kuno. Kininjangan No ulun kuno saboi natutuk, koson ra ulun mamaga' ra kawa' ru anggur.

SULABOI 1:18

“Kaa' Tuhan matimpok sabap ra inanggal ku susuban Nano. Rongog kano raki', akau ngaangai' bansa', ilai' aku no ondo' marualan. Kamulakan kuno ungkuyon am ruandu' rinakop am inibit minugar.

SULABOI 1:4

Raino kolondo' sangulun pana matong ra Baloi ru Tuhan paat ra orou pangiantakan. Ralaa-ralaa ondo' marimbai ra giu' no maimbolo', am imam-imam mampalaa. Kulobon garabang ru bandar masiluk, am bandar Sion linibungan ru kangilukan.

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

SULABOI 3:43

“Nangilou Kou ramon am namatoi Kou ramon; sangit Muno nampasibuni ra guang makaasi' Muno.

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

YEHEZKIEL 7:4

Kalo malubatan Aku rirun kapoam makaasi' rirun. Ukumin Tokou ra binaal muno ondo' makauyuyu' no, maa' raginio makapandai kou ra Aku noyo Tuhan.”

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

AMOS 8:13

Paat ra orou raginio ra tauli no, ungkuyon am ruandu' ondo' mamulok pana malausan sabap ra paason.

JAKARIA 11:6

Indagu Tuhan, “Kalo makaasi' Aku ra osoi pana ra tana' ti. Aku galama' mampataak ra ngaangai' ulun ra ralalom kalindu' ru ulun manguasa' risilo. Ulun-ulun manguasa' no mamuso ra tana' ti, am kalo bayagon Ku io intor ra kuasa' nilo.”

SAGULION 28:50

Malaat ilo am kalo makaasi' ra osoi pana, iou ra ulun matutuo am ra lalaing-lalaing.

SAGULION 32:25

Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.

JOSUA 6:21

Ra ilang, namatoi ilo ra moonong ulun ralalom ru bandar no, ungkuyon am ruandu', ondo' mamulok am ondo' matutuo. Namatoi ilo niayuk ra sapi', domba am kaladai.

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”