SULABOI 2:19 - Tanou Moonsoi Timugon

¹⁹ Ruruli' no tumirong ra mosorondom, am piawo' noyo Tuhan; pabalaa' ngai' suang ru guang muno am pakimasi' no koson ra anak-anak muno, anak-anak ondo' tatanga' maitilan giu' ra moonong lisangon ru ralan.

SULABOI 2:19 ပူးပေါင်းရင်းမြစ်များ

AYUP 3:24

Koson palit ru akanon, mampalaa aku, kalo lumonggo' aku mompoloong.

MAZMUR 119:55

Bulintok molondom makara' Tokou, iou Tuhan, am guangon kuno Ukum Muno.

MAZMUR 134:2

Patunuyo' noyo kalindu' mino liliwa' makiasi' giu' ra Baloi ru Tuhan, am omporo' noyo Tuhan!

MAZMUR 141:2

Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

MAZMUR 142:2

Mampiau aku ra Tuhan, mikimasi' aku Riso ra makiindangan.

MAZMUR 142:3

Ngaangai' pakimasian kuno paraguon ku Riso; pabalaan ku ngaangai' kapaganan kuno Riso.

MAZMUR 28:2

Rongogo' aku no bulintok ra aku mampiau makiindangan, painsawaton ku longon kuno tumingkuang ra Baloi Muno ondo' matulai.

MAZMUR 42:3

Moondom aku Rirun, i Aki Kapuuno' ondo' maayag; sanggilan kia aku makasambayang ra saang Muno?

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

MAZMUR 63:4

Togom Muno mokologo intor ra kaayagan, ginio ra mongompor aku Rirun.

JISAYA 26:9

Salibuor kuno moondom Rirun bulintok molondom; uyumon Tokou ralalom pirot ru guang kuno. Bulintok ra Okou mangakim ra tana' ti ra maagu no, namagun nano makapandai ra arati' ru katimpakan.

JISAYA 51:20

Moonong pompor ru ralan ulun-ulun muno maratu' kolondo' lulu' koson ra tambang nakasulung ra jajaling. Nalumpa' ilo ra sangit ru Tuhan, am matiu' ra sangit ri Aki Kapuuno' Muno.

JIRIMIA 14:18

Paat ra aku minongoi ra padang, nakakito aku ra baangkai pinatoi ra pangayawan. Paat ra aku minongoi ra bandar, nakakito aku ra ulun matikapatoi ra naitilan. Nabi am imam nampaugar ra kandoi ra kalo mangarati' ra atan ondo' baalon.”

JIRIMIA 9:20

Indagu aku, “Rongogo' ragu ru Tuhan, ruandu' kau ngai', talinaasi' ragu Nano. Ilaa' noyo anak-anak ruandu' min ra manulaboi, ilaa' rangan-rangan mino ra marimbai ra rimbai panguliran.

YEHEZKIEL 5:10

Kinibit nano, giu' ra Jirusalim, matuo mangakan ra anak nilo, am anak mangakan ra matuo nilo. Mangukum Aku rirun am mampatutuliar ra osoi ayuk ondo' lakat poyo maayag ra ngaangai' intok.

YEHEZKIEL 5:16

Langgain Ku mampalutu' ra akanon rirun am polosoon mamagun muno mangaitilan. Makaliman kou ra mapari' ra maitilan koson ra anak panah malarom ondo' mamuso rirun.

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

NAGUM 3:10

Kabalu' pana raginio, mamagun ru Tibi rinakop am pinatiran ra pagun. Giu' ra moonong pisuk ru ralan, anak-anak nilo linamba' saboi minatoi. Tingganai-tingganai nilo rinantai am tinayar-tayar ra gino ngai' ru ulun ondo' namparakop risilo.

MATIUS 14:25

Olo'-olo' lolot jam katalu am koonom iosusuab, minatong i Jisus risilo minugar ra rasawat ru timug.

MARKUS 1:35

Suabon no, maar matawang, luat i Jisus am ongoi ra lisar ru pekan. Minongoi Io ra intok masiluk sabap ra makiasi' Io ra giu' no.

MARKUS 13:35

Ginio sabap ra tataanin, sabap ra akau kalo nakapandai paat ra ulian ru tatangan ra baloi; paat ra mamai', kapoam tanga' rondom, kapoam mampayung rondom kapoam matawang.

LUKAS 6:12

Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.

TINGGANAI RU BANSA' 7:19

Maar tanga' ru rondom, nakasaboi i Gidion am maatus ngaulun ra ulun nano giu' ra igig ru pangkiman ru pantula'. Paat raginio ulun ondo' nagalung ra pangkiman no bagu ayuk nampalit magalung. Samputi' boo ri Gidion am pulalai nano bujung am namabak ra rarapu' nilo.

1 SAMUIL 1:15

Taam i Ana, “Tuan, kalo nagauk aku. Kalo nanginum aku ra wain. Aku ti malumpus guang, am tatanga' aku makiasi' koson mapaingkual ra suang ru guang ra Tuhan.

1 SAMUIL 7:6

Ginio ra ilo ngaangai' timinimung giu' ra Mijpa. Nansagou ilo ra timug am sinasaran ginio ra tayar ru taak ra Tuhan. Nampali ilo niayuk buoi songorou. Indagu ilo, “Makatula akai noyo ra Tuhan.” (Giu' ra Mijpa nanalasai i Samuil ra baal pansangaran ru gino ngai' ru ulun ru Israil.)