SULABOI 2:17 - Tanou Moonsoi Timugon

¹⁷ Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

SULABOI 2:17 ပူးပေါင်းရင်းမြစ်များ

1 RAJA'-RAJA' 9:7

patirin Ku ulun Kuno Israil intor ra pagun ondo' tinaakan Kuno risilo. Iruanin Ku niayuk Baloi ti ondo' timpokon Ku koson ra intok sumambayang Raki' ayuk. Ulun giu' ra ati-ati intok no manauyu' am magasab ra ulun ru Israil.

MAZMUR 35:24

Saungo' aku no sabap ra Okou noyo matimpok, iou Tuhan, pai' polosoo' pantula' kuno makakurit raki'.

MAZMUR 35:26

Polosoon noyo ulun ondo' maansayan magilong ra aku naimbolo' masauk ilo ra maubong am mauyu'. Polosoon noyo ulun lumimbau no pansagulian guang am mauyu'.

MAZMUR 38:16

Kaa' malansan aku Rirun, iou Tuhan; am Okou, iou Tuhan, i Aki Kapuuno' kuno, mangiou ra pakiasian kuno.

MAZMUR 89:42

Ngaangai' ulun mansail ra giu' no mantakou ra kuliamos nano; ngaangai' ru pinasambalayan nano magasab riso.

MAZMUR 89:43

Pinamanang Mu pantula' nano, ondo' magibit risilo ngaangai' maansukan.

JISAYA 14:29

Alii ra ulun ru Palistin, kabalu' pana tataun lalamba' ondo' pinampalamba' ramuyun no pinandak, pai' kau paringkuanang sabap ra amon santaun kukuo matoi, santaun poyo makalalaa' kaga' no matong. Sanginan tambuakal makakawo mabak intor ra talu' ru kukuo.

JIRIMIA 18:11

Raino balai' ulun ru Jiuda am mamagun ru Jirusalim ra tatanga' Aku mangatang koson manggal risilo, am mampatampos ra ukuman risilo. Susubo' ilo mompolonggo' ra baal ru bayag ondo' makatula, am niayuk mangulau ra paliso am binaal nilo.

JIRIMIA 4:28

Tana' ti mangulir; limbowon pana lumondom. Nakaindagu noyo Tuhan kalo kulawon inatangan. Namatas Io noyo am kalo kulawon guang.

JIRIMIA 40:3

Raino sinugut no ragu Nano. Ngaangai' no nasauk sabap ra bansa' muno makatula ra Tuhan am kalo giminagaya' Riso.

SULABOI 1:5

Pantula' nakasugut sabap nakapanguasa' ra Jirusalim; Tuhan nambaal riso naimbolo' sabap ra masuang kaga' tula nano. Mamagun nano rinakop am inibit ru pantula'.

SULABOI 2:8

Namatas noyo Tuhan koson lunsayon timbok ru Sion; Tukuon No timbok no maa' raginio ngaangai' no umokon No. Manara am timbok raino ti nasauk ra totopot nalunsai.

SULABOI 3:43

“Nangilou Kou ramon am namatoi Kou ramon; sangit Muno nampasibuni ra guang makaasi' Muno.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

DANIL 9:12

Sinugut Mu noyo ondo' rinagu Muno ramon am panguasa'-panguasa' mai. Nangukum Kou ra Jirusalim moporos poyo intor ra bandar-bandar ra bokon ra tana' ti.

MIKA 2:3

Ginio ra mindagu Tuhan, “Nangatang aku koson maparatong ra karaat patiwon ramuyun. Kalo makapagiru' kau intor ra karaat no. Malumpa' kau ra kapaganan, am akau pana kalo boo makapaliso ra malilimbau.

JIPANYA 1:2

Indagu Tuhan, “Pusoon Ku ngaangai' giu' ra tana' no:

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”