SULABOI 2:15 - Tanou Moonsoi Timugon

¹⁵ Ngaangai' ulun ondo' nansail ra bandar muno magasab rirun. Ulu nilo pisik-pisik am makakurit magilong ra Jirusalim nalunsai. Nangkuot ilo, “Gitio kia bandar ondo' sabiton ra moonsoi kaga' am nasauk ra kalimbawan nilo?”

SULABOI 2:15 ပူးပေါင်းရင်းမြစ်များ

2 RAJA'-RAJA' 19:21

Koon raginio ragu ru Tuhan, “Bandar ru Jirusalim nakakurit am nagasab rirun, okou Sanirib.

2 TUNUNG RU BANSA' ISRAIL 7:21

Raino Baloi ti urumaton kaga' ru ulun, kaa' tauli no moonong ulun ondo' mansail mangimuag am mangkuot, ‘Kua kia ra Tuhan nambaal koson raginio ra pagun am Baloi ti?’

MAZMUR 109:25

Paat ra aku makito ru ulun, mangiis ilo raki'; sapipisik ilo saboi liliwa' magasab raki'.

MAZMUR 22:7

Kaa' aku ti ulor am sala' ka ulun, ondo' asasabin am ulalason ru ulun.

MAZMUR 48:2

Matulai toojo Tuhan am omporon giu' ra bandar ri Aki Kapuuno' takau, ra tampak ru bulur Nano ondo' matulai.

MAZMUR 48:3

Sion, bulur ri Aki Kapuuno', masawat am maantak; bandar ru Raja' ondo' matulai mapabansuk ra titikop ru tana' ti!

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

MAZMUR 64:8

Kaa' pabakison ri Aki Kapuuno' panah Nano risilo, bulintok niayuk raginio majamaran ilo.

JISAYA 28:21

Tuhan tumirong giu' ra gunung Pirajim am giu' ra Limayak Gibion koson binaal No ra galing i. Paugaron No kasagaan Nano kabalu' pana pagilayan no saasala' ayuk. Paugaron No kandoi Nano ondo' makaimuag no.

JISAYA 37:22

Gitio noyo ragu ru Tuhan, “Bandar Jirusalim mangiis am niayuk magasab rirun, okou Sanirib.

JISAYA 64:11

am Baloi ru Tuhan, baloi ra matulai am makaantak, intok ru kinamatuaan maili mongompor ra Tuhan ra galing i, inumpo ru apui. Ngaangai' intok ra kasagaan mai nasauk boo ra naluyuan.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 19:8

Palumpaan Ku karaat makalalaa' ra bandar ti saboi moonong ulun ondo' mansail ragiti makatigog am malaa'.

JIRIMIA 25:18

Jirusalim am ngaangai' bandar giu' ra Jiuda, nababaya' ra raja'-raja' am tingganai-tingganai nilo, sinusub manginum intor ra sangkir no saboi ra ilo nasauk ra tana' kaagisan ondo' makalalaa'. Pakuan ra inggalan nilo koson ra ulas, koson ondo' nasauk saboi ra orou raiti'.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 26:6

Amon ru mansang kau ayuk, pamakuan Kuno ra Baloi Kutu koson ra pinamakuan Kuno ra Silo, saboi ngaangai' bansa' ra tana' ti mamakai ra inggalan ru bandar Jirusalim koson ra pagulasan.’ ”

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 48:27

Okou Moab, nakara' mu kia ragili kinuritan mu ulun ru Israil am sinimbaalan ilo ra ragu ilain koson ra narakop ra narampatan nababaya' ra ulun mantakou?

JIRIMIA 51:37

Pagun no masauk ra tuntur ru nalunsai ondo' ayanin ru bibiag masigo. Baal no makalalaa'; kalo ayanin ru ulun giu' no, am ngaangai' ulun malaa' magilong raginio.

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

SULABOI 1:8

Kalio boo kaurumatan nano; nagibabaang io am inasaban. Nampalaa io am nampasibuni ra bulos sabap nauyu', nampajamol Jirusalim ra inan ra tula ondo' maayo.

SULABOI 2:16

Ngaangai' ru pantula' muno mangiis rirun am magilong rirun ra masisang. Manjabiu bibil nilo liliwa' magasab, “Pinuso mai noyo okou! Gitio noyo orou ondo' inaanin mai!”

SULABOI 2:6

Nanutuk Io ra Baloi ru Tuhan intok takau sumamba Riso; iniru' No ngaangai' pangiantakan am orou Sabat. Raja' am imam ngaangai' no naimbolo' kinibit ru sangit Nano.

YEHEZKIEL 16:13

Limpor muno binaal intor ra mas am pirok, am bayang muno binaal intor ra linon, sutera am konoon mokoondo' ra sulam. Nangakan kou ra ruti' ondo' binaal intor ra gandum moonsoi kaga', naratok ra ruu' ru maningot am umau jaitun. Kinantalur muno suai toojo, saboi kou nasauk ra ruandu' mapasau.

YEHEZKIEL 16:14

Sabap ra kinantalur muno, nauligan kou kaga' ra gino ngai' ru bansa'. Aku noyo ondo' nangkinibit rirun mantalur koson raginio!” Koon raginio noyo ragu ru Tuhan Raja'.

YEHEZKIEL 23:32

Indagu Tuhan Raja', “Musiti' kou manginum intor ra sangkir ru maayo muno, sangkir ondo' maayo am malandom. Paat ra okou manginum intor ra sangkir ondo' nototop no, iison kou am asabin ru ngaangai' ulun.

YEHEZKIEL 25:6

Indagu Tuhan Raja', “Masisang kau kaga' ra Israil saboi magilakup kau am mansasayau ra maansukan ra napusaan ru pagun Israil.

YEHEZKIEL 5:15

“Paat ra Aku sumangit am lumasu' guang, ukumin Tokou, saboi ra ngaangai' bansa' ra liput muno malaa'. Magasab am mangiis ilo rirun.

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

MIKA 6:16

Baal ragitio masauk sabap minaya' kau ra baal malaat ru Raja' Omri, am anak nano, Raja' Agab. Minaya' kau ra aturan ondo' inaru' nilo. Ginio ra mamuso Aku ramuyun, am ngaangai' ulun magasab ramuyun. Ulun giu' ra ati ayuk intok masisang ramuyun.”

NAGUM 3:19

Pilat muno kalo mababas am ruruko-ruruko muno kalo mapali'. Ngaangai' ulun ondo' nokorongog ra tanou katutukan muno magitapap ra longon sabap ra maansukan. Kolondo' sangulun pana makapamayag ra inan intor ra kalaatan muno ondo' kalo lumonggo'-longgo'.

JIPANYA 2:15

Ginio noyo ondo' masauk ra bandar ondo' noloos maansukan am ondo' mangkara' ra inan nano makakaansayan. Mamagun nano mangkara' ra bandar nilo noyo bandar ondo' maayo kaga' ra tana' ti. Mapara' siluk no ru libung no, kolondo' ulun minayan ra intok no ondo' ayuk am bibiag ru kataunan ondo' makabunsut ra giu' no! Moonong ulun ondo' mansail giu' ra bandar no magasab riso am makaliman ra malaa'.

MATIUS 27:39

Ulun-ulun ondo' mansail ra intok ti mamisik ra ulu am magasab ri Jisus, konilo,

MARKUS 15:29

Ulun-ulun ondo' nansail ra giu' i pisik-pisik ilo nagasab ri Jisus, konilo, “Oi, napasat Kou raino! Masaga' Kou mampalunsai ra Baloi Tuhan am baalon Mu saguli' ralalom talu ngoorou!