SULABOI 2:14 - Tanou Moonsoi Timugon

¹⁴ Nabi-nabi muno mapandai ayuk magabau; namparuung ilo rirun ra kalo nambala' ra tula muno. Nambaal ilo rirun mangkara' ra okou kalo pana tumalikur intor ra tula.

SULABOI 2:14 ပူးပေါင်းရင်းမြစ်များ

JISAYA 58:1

Mindagu Tuhan, “Kosongowo' noyo golok muno! Balai' noyo ulun Kuno ra tula-tula nilono.

JIRIMIA 2:8

Kalo nangkuot imam-imam, ‘Ati boo Tuhan?’ Imam-imam Kuno pana kalo nakaulig Raki'. Panguasa'-panguasa' giminuor Raki'; nabi-nabi minindagu ralalom inggalan ru Baal am sinamba sinungkalalaing ondo' kolondo' onong.”

JIRIMIA 20:6

Okou no, Pasyur, rokopon am auton ra Babilonia mababaya' ra ngaangai' sasambaloi muno. Giu' no patayan muno am lobongon mababaya' ra ngaangai' rangan muno ondo' nangkirongog ra abau muno.’ ”

JIRIMIA 23:22

Amon ru nakapandai ilo ra atan soroi ralalom ru pangkaraan Kuno, maaru' mampatanou ilo ra tanou Kuno ra ulun Kuno. Koon raginio ulun Kuno lumonggo' mambaal ra tula am mambaal ra ondo' malaat.

JIRIMIA 23:36

Kalo boo paraguin risilo ragu ra ‘saanin ru Tuhan’. Amon ru mokoondo' ra ulun ondo' lakat poyo mindagu raginio, saukon Ku tanou Kuno topot-topot pasaanin riso. Jinajou noyo ru ulun ragu intor Raki', i Aki Kapuuno' nilo, i Aki Kapuuno' ondo' maayag, Tuhan Ondo' Maayo Kaga' Kuasa'.

JIRIMIA 28:15

Aku pana nampasaboi boo ra ragu raginio ri Gananya, am indagu aku poyo, “Rongogo' noyo, okou Gananya! Kalo nanusub Tuhan rirun; nangkinibit kou ra bansa' ragitio mangintopot ra abau.

JIRIMIA 29:21

Tuhan Ondo' Maayo Kaga' Kuasa', i Aki Kapuuno' ru Israil, nakaindagu intor ri Agab anak ri Kolaya, am intor ri Jidikia anak ri Maasiya, ondo' namakai ra inggalan ru Tuhan koson mampasaboi ra abau ramuyun. Minindagu Tuhan ra pataakon No ilo ra kuasa' ru Raja' Nibukadnijar intor ra Babilonia, ondo' mamatoi risilo ra saang min.

JIRIMIA 37:19

Ati kia nabi-nabi muli ondo' nanala' ra raja' ru Babilonia kalo mamulunsar rirun am pagun ti?

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

SULABOI 4:13

Kaa' baal raginio nasauk sabap ra nabi-nabi nano makatula noyo, am imam-imam nano namatoi ra ulun ondo' kolondo' sala.

YEHEZKIEL 13:22

“Nabaya' ra abau mino kinalawo min guang ru ulun moonsoi, ondo' kalo masaga' Ku jamarin. Nangunsu' kau ra ulun malaat maa' raginio marayus mambaal ra kalaatan saboi kalo mabayag ilo.

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

YEHEZKIEL 22:28

Nabi-nabi nambuni ra tula-tula raginio koson ra ulun nangapur ra timbok. Nakakito ilo ra pinaintalang ondo' magabau, am nambaal ilo ra ragu inala' ondo' magabau niayuk. Minindagu ilo ra nampasaboi ilo ra ragu intor ra Tuhan, Raja', kaa' Aku, Tuhan kalo minindagu risilo.

YEHEZKIEL 23:36

Indagu Tuhan raki', “Okou ulun mapandai matoi, nakatampos kono kia mangakim ri Ogola am Ogoliba? Sonsolo' ilo sabap ra nambaal ra ondo' makauyuyu'.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

MIKA 2:11

Masaga' kau ra nabi ondo' masaga' magabau am mamparuung, am ondo' mindagu, ‘Manala' aku ra makaalap kau ra wain am inumon makagauk ondo' masuang toojo.’

MIKA 3:8

Kaa' ra aku, Tuhan nanikop raki' ra kuasa' am Ambiluo Nano. Nangani' Io raki' ra arati' ru katimpakan, am niayuk kinabaani koson mambala' ra ulun ru Israil intor ra tula nilo.

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.