SULABOI 1:4 - Tanou Moonsoi Timugon

⁴ Raino kolondo' sangulun pana matong ra Baloi ru Tuhan paat ra orou pangiantakan. Ralaa-ralaa ondo' marimbai ra giu' no maimbolo', am imam-imam mampalaa. Kulobon garabang ru bandar masiluk, am bandar Sion linibungan ru kangilukan.

SULABOI 1:4 ပူးပေါင်းရင်းမြစ်များ

JISAYA 3:26

Kulobon garabang ru bandar, ulun mangulir am manulaboi, am bandar raginio masauk koson ra ruandu' linabasan, ondo' nanturung ra tana'.

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

JIRIMIA 14:2

“Mangiluk guang ru Jiuda; mamagun ru bandar nano mamaar matoi. Liminuya' ilo ra tana' am mampalaa; gumolok Jirusalim makiindangan.

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

SULABOI 5:13

Kamulakan ungkuyon mai jinajalan manginsar ra gandum koson ra ulipon, anak ungkuyon naintunan ru tataun pipikul saboi makasiling.

SULABOI 5:14

Ulun matutuo kalo boo tumimung giu' ra kulobon garabang ru bandar, kamulakan ungkuyon kalo boo mangkuli ra miujik.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

IMAMAT 26:22

Mangator Aku ra bibiag masigo ra tatanga' mino. Mamatoi bibiag-bibiag no ra anak-anak mino am mamuso ra bibiag tinambiag mino, saboi kukula' ngaulun kau ayuk soroi, am ralan-ralan mino mangasiluk.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.