SULABOI 1:21 - Tanou Moonsoi Timugon

²¹ “Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

SULABOI 1:21 ပူးပေါင်းရင်းမြစ်များ

MAZMUR 35:15

Kaa' paat ra aku makakapaganan, maansukan ilo ngaangai' am libungin aku liliwa' nilo magasab raki'; ulun ondo' kalo nauligan kuno rayusin no lamba' no raki'.

MAZMUR 37:13

Kaa' Tuhan makakurit ra ulun malaat, sabap ra napandayan No ra pupus nilono mamaar noyo.

MAZMUR 38:16

Kaa' malansan aku Rirun, iou Tuhan; am Okou, iou Tuhan, i Aki Kapuuno' kuno, mangiou ra pakiasian kuno.

JISAYA 14:5

Pinolonggo' noyo ru Tuhan kuasa' ru namarinta-namarinta ra malaat kaga'

JISAYA 14:6

ondo' sumangit-sangit nangimbolo' ra bansa'-bansa' am tanduusin nilo mangimbolo' risilo.

JIRIMIA 30:16

Kaa' raino ngaangai' ondo' monolon ramuyun tolonon, am ngaangai' pantula' min ibiton mugar koson ra ulun rinakop. Ngaangai' ulun ondo' nangimbolo' ramuyun imboloon, am ngaangai' ulun ondo' nantakou ramuyun takawin.

JIRIMIA 48:27

Okou Moab, nakara' mu kia ragili kinuritan mu ulun ru Israil am sinimbaalan ilo ra ragu ilain koson ra narakop ra narampatan nababaya' ra ulun mantakou?

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

JIRIMIA 50:31

“Alii rirun Babilonia, malilimbau kou kaga'. Ginio sabap ra Aku, Tuhan Raja' Ondo' Maayo Kaga' Kuasa', manggal rirun! Nasaboi paat no ra mangukum Aku rirun.

JIRIMIA 51:24

Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

JIRIMIA 51:49

Babilonia nangkinibit noyo ra pinatayan ru ulun intor ra titikop ru tana' ti; kaa' raino Babilonia maratu', sabap ra nangkinibit ra pinatayan ru masuang kaga' ulun ru Israil. Aku, Tuhan, nakaindagu noyo.”

SULABOI 1:16

“Ginio sabap ra lomou kuno rumatu'. Kolondo' osoi pana makabansuk ra guang kuno, kapoam makaikang ra guang kuno. Pantula' nangala raki'; mamagun kuno natatakan ra ngaangai' no.

SULABOI 1:2

Nosorondom io nantangi', lomou nano tumilisan ra pingas. Kolondo' sangulun pana intor ra rangan nano masaga' mapabansuk riso. Ngaangai' rangan nano liminaat am nantula' riso.

SULABOI 1:22

“Sonsolo' ilo sabap ra ngaangai' kalaatan nilo. Ukumi' ilo koson ra Okou nangukum raki' sabap ra tula kuno. Mampalaa aku sabap ra mangiluk kaga' guang kuno.”

SULABOI 1:4

Raino kolondo' sangulun pana matong ra Baloi ru Tuhan paat ra orou pangiantakan. Ralaa-ralaa ondo' marimbai ra giu' no maimbolo', am imam-imam mampalaa. Kulobon garabang ru bandar masiluk, am bandar Sion linibungan ru kangilukan.

SULABOI 1:8

Kalio boo kaurumatan nano; nagibabaang io am inasaban. Nampalaa io am nampasibuni ra bulos sabap nauyu', nampajamol Jirusalim ra inan ra tula ondo' maayo.

SULABOI 2:15

Ngaangai' ulun ondo' nansail ra bandar muno magasab rirun. Ulu nilo pisik-pisik am makakurit magilong ra Jirusalim nalunsai. Nangkuot ilo, “Gitio kia bandar ondo' sabiton ra moonsoi kaga' am nasauk ra kalimbawan nilo?”

SULABOI 2:16

Ngaangai' ru pantula' muno mangiis rirun am magilong rirun ra masisang. Manjabiu bibil nilo liliwa' magasab, “Pinuso mai noyo okou! Gitio noyo orou ondo' inaanin mai!”

YEHEZKIEL 26:2

“Okou ulun mapandai matoi, rongogo' golos magilakup ru ulun ru Tirus. Golok ilo, ‘Jirusalim natutuk noyo! Kaikangan ru pantalanan nano nairu' noyo! Jirusalim kalo boo nasauk ra gumula' ritakau!’ ”

JOIL 3:14

Riribu ulun soroi giu' ra Limayak Pangakiman. Giu' no Orou ru Tuhan matong ra mataki'.

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.