SAGULION 9:7 - Tanou Moonsoi Timugon

⁷ Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

SAGULION 9:7 ပူးပေါင်းရင်းမြစ်များ

KAINGKUALAN 14:10

Pakakito ulun ru Israil ra raja' am saujor ru Misir matong koson manggal risilo, kalaa' ilo am pampalaa ra Tuhan ra makiindangan.

KAINGKUALAN 14:11

Indagu ilo ri Musa, “Kolondo' kia lobong giu' ra Misir saboi nagibit kau ramon ra tana' kaagisan koson matoi? Ilai' noyo atan ondo' nasauk sabap ra okou nagibit ramon miningkual intor ra Misir!

KAINGKUALAN 16:2

Ngaangai' nilo pasabutok ri Musa am i Arun giu' ra tana' kaagisan no.

KAINGKUALAN 17:2

Mambubutok ilo ri Musa am indagu, “Anii' akai no ra timug inumon.” Taam i Musa, “Kua pambubutok kau? Kua pangkinam kau ra Tuhan?”

KAINGKUALAN 23:21

Iningo' noyo am gagayaa' io. Pai' guor riso sabap ra io no sinusub Kuno. Kalo mangampun io ra guor koson raginio.

JISAYA 48:8

Makapandai Aku ra akau no kalo malansanan, nauligan kau ra maanggal-anggal. Ginio ra akau kalo makapandai no, am kalo sambangis pana ragu makasuku' ra talingo mino.

JIRIMIA 11:10

Nambaal ilo ra tula ondo' binaal ru kinamatuaan nilai ondo' marara' gumagaya' Raki'; sinamba nilo tuhan-tuhan ra bokon. Israil am poyo Jiuda minanggal ra nabantuan ondo' binaal Kuno ra kinamatuaan nilai.

JIRIMIA 32:30

Intor ra talimpuun ru sejarah nilo, ulun ru Israil am ulun ru Jiuda kalo napabansuk ra guang Kuno, am napasingkual ilo ra sangit Kuno ra binaal nilo.

JIRIMIA 44:9

Nalilianan min kia ngaangai' kalaatan ondo' binaal ru kinamatuaan min, ru raja'-raja' ru Jiuda am andu' nilai, am niayuk ru akau galama' am andu' min, giu' ra bandar-bandar Jiuda am giu' ra ralan-ralan ru Jirusalim?

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

YEHEZKIEL 20:43

Makara' min boo ngaangai' binaal ra makauyuyu' am ondo' nampajamol ra inan min. Mampalua' kau ra inan min galama' sabap ra ngaangai' kalaatan ondo' binaal mino.

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

YEHEZKIEL 36:31

Makara' min paliso malaat am kasalaan ondo' binaal mino, am majamalan kau boo ra inan galama' sabap ra tula am binaal malaat mino.

UNTABAN 11:4

Ralalom pangkiralanan ru ulun ru Israil, mokoondo' niayuk santayaran ulun bansa' bokon ra popolos nilo. Matiakan kaga' ulun bansa' bokon no ra kual, am tumalimpuun boo ulun ru Israil mambutok, “Mapara' bonsoi no amon ru makaakan takau ra kual.

UNTABAN 14:22

ra kolondo' sangulun pana ra ulun ti mongoi ra tana' raginio. Nakakito ilo noyo ra sinda ru katulayan Kuno am kaimuagan ondo' binaal Kuli giu' ra Misir am giu' ra tana' kaagisan, kaa' mararayus ilo mangkinam Raki', am marara' gumagaya' Raki'.

UNTABAN 17:10

Indagu boo Tuhan ri Musa, “Pabantaa' saguli' jujuga' ri Arun giu' ra saang ru Kaban Nabantuan. Jujuga' no musiti' buliin koson ra papakaraan ra ulun ru Israil ondo' masaga' gumuor, ra matoi ilo amon ru kalo lumonggo' ilo mambutok.”

UNTABAN 21:5

am nambubutok ri Aki Kapuuno' am ri Musa. Konilo, “Kua kia ibito' mu akai miningkual intor ra Misir koson matoi ra tana' kaagisan ti? Giti kolondo' akanon kapoam timug. Najala' akai ra akanon ondo' mapalo ti!”

UNTABAN 25:2

Nangkimait ruandu'-ruandu' no risilo minongoi ra bunsag-bunsag ru taak simbalui koson mangurumat ra tuhan nilono. Ulun ru Israil niayuk nangakan ra kual intor ra taak simbalui no am siminamba

1 KORINTUS 15:9

Aku no rasul ru Tuhan ondo' nakatauli toojo. Aku kalo maaya' piawon ra rasul, sabap ra nangimbolo' aku ra pasimpungan ulun Kristian.

IPISUS 2:11

Akau ulun sala' ka Jaudi, ondo' piawon ru ulun ru Jaudi ra “ulun kalo sinunatan” am ilo galama' inggalanin ra “ulun sinunatan” (sunat ti noyo kaulayan ru ulun mampalapa' ra inan). Karaa' ati kulaan baal min ra galing i.

SAGULION 31:27

Nakapandai aku ra mapara' bambalingatan ulun ragitilo. Magail ilo gumuor. Giminuor ilo noyo ra Tuhan paat ra bayag kuno, am maaru' gumaai ilo gumuor malupus ra aku matoi.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

SAGULION 9:24

Intor ra aku nakaulig ramuyun, magail kau gumuor ra Tuhan.

SAGULION 9:4

Mopongo Tuhan i Aki Kapuuno' min nampagiru' risilo ra bala min, pai' indagu ra akau galama' ra magibit Io ramuyun mongoi ra tana' raginio koson mangalap ra tana' no sabap maaya' kau. Sala' ka koson raginio! Mampagiru' Tuhan ra bansa'-bansa' no ra tayar min sabap malaat ilo.