SAGULION 9:5 - Tanou Moonsoi Timugon

⁵ Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

SAGULION 9:5 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 15:16

Masuku' papag kaapat muno, sumaguli' ilo ragiti sabap kalo paugaron Ku ulun ru Amori ra ilo kalo poyo lumaat kaga' saboi ilo ukumin.”

KASAUKAN 15:7

Indagu boo Tuhan ri Abram, “Aku noyo Tuhan ondo' nagibit noyo rirun mingkual intor ra Bandar Ur ra pagun ru Babilonia koson manaak rirun ra tana' ti am okou noyo tatangan.”

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 19:29

Kaa' paat ri Aki Kapuuno' namuso ra bandar-bandar raginio am limayak ondo' inayanan ri Lot, nakakara' Io ri Abragam am pangindangan Io ri Lot nagiru'.

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

YEHEZKIEL 20:14

Kaa' kalo nambaal Aku raginio sabap ra baal raginio mangkinibit ra inggalan Kuno asabin ru gino ngai' bansa' ondo' nakakito Raki' naningganai ra ulun ru Israil miningkual intor ra Misir.

YEHEZKIEL 36:22

“Ginio ra posoboyo' tanou intor Raki', Tuhan Raja' ra ulun ru Israil: Atan ondo' baalon Kuno sala' ka sabap no kaatangan min ulun ru Israil, kaa' sabap no kaatangan ru inggalan Kuno ondo' matulai, ondo' jinamol min giu' ra moonong pagun inangayan min.

YEHEZKIEL 36:32

Kaala' kano Israil, kalo binaal Ku ngaangai' no koson ra kaatangan min. Kaa' masaga' Aku ra akau mauyu' am asabin sabap ra binaal min. Aku Tuhan Raja' nakaindagu noyo.”

IMAMAT 18:24

Pai' jamali' inan mino ra baal raginio. Kon noyo ginio bansa' raginilo ondo' minayan ra pagun Kanaan ra kalo poyo akau, napajamol noyo ra inan nilo. Ginio sabap ra napagiru' Tuhan risilo maa' raginio makaayan kau giu' ra pagun no.

IMAMAT 18:25

Binaal nilono napajamol ra pagun no. Ginio sabap ra nangukum Tuhan ra pagun no sabap ra baal majamol ondo' binaal ru mamagun ru pagun no.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

RINALATAN 3:25

Bantu' intor ri Aki Kapuuno' ondo' pinasaboi ru nabi pataakin niayuk ramuyun. Ralalom bantu' ri Aki Kapuuno' ondo' binaal no ra kinamatuaan mini, ragu Nano ri Abragam, ‘Intor ra papag muno barakaton Ku ngaangai' bansa' ru tana' ti.’ Bantu' raginio pinataak niayuk ramuyun.

ROMA 11:28

Intor ra ulun ru Israil kalo nangapu ra Tanou Moonsoi, pantula' ilo ri Aki Kapuuno', am ginio nai ra akau ulun sala' ka Jaudi makakaluagan. Kaa' maya' ra pampilian Nano, ulun ru Israil magulayun tagamin ri Aki Kapuuno' sabap ra ondo' binantu' ra kinamatuaan nilai.

ROMA 15:8

Ginio ra balain takamin, i Kristus siminauk ra mangingindangan ra ulun ru Jaudi koson manulu' risilo ra suguton ri Aki Kapuuno' atan ondo' binantu' Nali ra kinamatuaan nilai.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 12:31

Pai' samba ra Tuhan i Aki Kapuuno' min ra ralan nilo sumamba ra tuhan-tuhan nilo, sabap ra paat ilo sumamba ra tuhan-tuhan no, nambaal ilo ra ngaangai' ra baal malaat ondo' kasisangin ru Tuhan. Mulu' poyo anak nilo galama' pana sinolob nilo ra rasawat ru altar koson taak simbalui ra tuhan-tuhan nilo.

SAGULION 18:12

Masisang Tuhan i Aki Kapuuno' min ra ulun ondo' nambaal ra baal majamol no. Ginio sabap ra Io napagiru' ra bansa'-bansa' no intor ra tana' raginio paat ra akau matong.

SAGULION 18:9

“Paat ra akau makasaboi ra tana' ondo' pataakon ramuyun ru Tuhan i Aki Kapuuno' min, pai' tilu ra baal majamol ondo' imayaan ru bansa'-bansa' ondo' minayan ra giu'.

SAGULION 20:18

Potoyo' noyo ilo, maa' raginio kalo mangkinibit ilo ramuyun makatula ra Tuhan i Aki Kapuuno' min, am mangila' ramuyun mambaal ra jajajou ondo' binaal nilo paat sumamba ra tuhan-tuhan nilo.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.