SAGULION 9:4 - Tanou Moonsoi Timugon

⁴ Mopongo Tuhan i Aki Kapuuno' min nampagiru' risilo ra bala min, pai' indagu ra akau galama' ra magibit Io ramuyun mongoi ra tana' raginio koson mangalap ra tana' no sabap maaya' kau. Sala' ka koson raginio! Mampagiru' Tuhan ra bansa'-bansa' no ra tayar min sabap malaat ilo.

SAGULION 9:4 ပူးပေါင်းရင်းမြစ်များ

KASAUKAN 15:16

Masuku' papag kaapat muno, sumaguli' ilo ragiti sabap kalo paugaron Ku ulun ru Amori ra ilo kalo poyo lumaat kaga' saboi ilo ukumin.”

YEHEZKIEL 36:22

“Ginio ra posoboyo' tanou intor Raki', Tuhan Raja' ra ulun ru Israil: Atan ondo' baalon Kuno sala' ka sabap no kaatangan min ulun ru Israil, kaa' sabap no kaatangan ru inggalan Kuno ondo' matulai, ondo' jinamol min giu' ra moonong pagun inangayan min.

YEHEZKIEL 36:32

Kaala' kano Israil, kalo binaal Ku ngaangai' no koson ra kaatangan min. Kaa' masaga' Aku ra akau mauyu' am asabin sabap ra binaal min. Aku Tuhan Raja' nakaindagu noyo.”

IMAMAT 18:3

Pai' tiluo' binaal ru ulun giu' ra Misir, pagun inayanan min ragili, am pai' tiluo' binaal ru ulun giu' ra Kanaan, intok pagibitan Kuno ramuyun.

ROMA 11:20

Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

ROMA 11:6

Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.

1 KORINTUS 4:4

Kolondo' nai malimanan ku ra aku makasala, kabalu' pana ra mokoondo' lair. Kaa' Tuhan ayuk mangakim raki'.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

SAGULION 12:31

Pai' samba ra Tuhan i Aki Kapuuno' min ra ralan nilo sumamba ra tuhan-tuhan nilo, sabap ra paat ilo sumamba ra tuhan-tuhan no, nambaal ilo ra ngaangai' ra baal malaat ondo' kasisangin ru Tuhan. Mulu' poyo anak nilo galama' pana sinolob nilo ra rasawat ru altar koson taak simbalui ra tuhan-tuhan nilo.

SAGULION 31:27

Nakapandai aku ra mapara' bambalingatan ulun ragitilo. Magail ilo gumuor. Giminuor ilo noyo ra Tuhan paat ra bayag kuno, am maaru' gumaai ilo gumuor malupus ra aku matoi.

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

SAGULION 9:24

Intor ra aku nakaulig ramuyun, magail kau gumuor ra Tuhan.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

SAGULION 9:7

Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,