SAGULION 9:29 - Tanou Moonsoi Timugon

²⁹ Sala' ka kia ilo ti ulun ondo' pinili' Muno masauk ra ulun Muno galama'? Ilo noyo ondo' inibit Muno miningkual intor ra Misir ra kuasa' am kaikangan Muno ondo' maayo.’ ”

SAGULION 9:29 ပူးပေါင်းရင်းမြစ်များ

1 RAJA'-RAJA' 8:15

Indagu raja', “Koompor noyo Tuhan, i Aki Kapuuno' ru Israil! Nanugut Io ra bantu' ondo' binaal Nano ra ama' kuli, Raja' Daut, paat ra Io minindagu ra Raja' Daut koon ragitio,

1 RAJA'-RAJA' 8:51

Ilo ulun Muno galama', ondo' inibit Muno miningkual intor ra Misir, intok nilo inimbolo'.

NIGIMIA 1:10

Iou Tuhan, ilo ti ulipon Muno, ulun Muno galama'. Binayag Mu noyo ilo ra kuasa' am ikang Muno ondo' maayo.

MAZMUR 100:3

Iowo' noyo ra Tuhan no i Aki Kapuuno'. Io namangun ritakau, am itakau longgom Nano; itakau ulun Nano, bansa' ra inalungan Nano.

MAZMUR 106:40

Ginio ra Tuhan sumangit ra ulun Nano; am mataman Io magilong risilo.

MAZMUR 136:12

Ngaangai' no binaal ru kalindu' Nano ondo' maikang kaga'; togom Nano mantilayun.

MAZMUR 28:9

Iou Tuhan, bayago' noyo ulun Muno, am barakati' ilo no ondo' masauk ra longgom Muno. Sauk no koson ra magagalung risilo, am alungi' ilo ra sabuoi-buoi no.

MAZMUR 77:15

Okou noyo i Aki Kapuuno' ondo' nambaal ra kaimuagan; pinaintalang Mu kuasa' Muno ra bansa'-bansa'.

MAZMUR 95:7

Iono i Aki Kapuuno' takau; itakau noyo ulun ra inalungan Nano, koson ra santimungan domba ondo' inalungan Nano. Orou ra raiti' rongogo' noyo ragu Nano,

KAINGKUALAN 19:5

Raino amon gumagaya' kau Raki' am gumuut ra nabantuan Kuno, masauk kau ra ulun Kuno galama'. Titikop ru tana' ti Aku tatangan, kaa' masauk kau ra ulun pilion Kuno.

KAINGKUALAN 33:13

Amon ru topot ginio, pambala' ra inatangan Muno maa' raginio makapangandoi aku Rirun am magulayun mapabansuk ra guang Muno. Karaa' niayuk ra Okou nampili' ra ulun ragitilo masauk ra Okou galama' tatangan.”

KAINGKUALAN 34:9

Kono, “Tuhan, amon ru totopot Kou maansayan raki', kitaakon Tokou maya' ramon. Bambalingatan ulun ragitilo, kaa' ampuno' noyo kalaatan am niayuk tula mai, am apuo' akai koson ra ulun Muno galama'.”

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 63:19

am pamakuan Muno ramon koson ra kalo igondo' Kou nanguasa' ramon, am koson ra kalo igondo' akai kasauk ra ulun Muno.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JIRIMIA 27:5

“Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

SAGULION 32:9

kaa' papag ri Jakub pinili' ru Tuhan tayar Nano galama'.

SAGULION 4:20

Kaa' akau iono bansa' ondo' binayag Nano intor ra Misir, intok koson ra rapuan mampaliou ra basi' ondo' mapaang. Nagibit Io ramuyun miningkual intor ra pagun raginio maa' raginio masauk kau ra ulun Nano galama' koson ra baal min ra orou raiti'.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 9:12

Kopongo raginio indagu Tuhan raki', ‘Kataki' noyo tuun giu' ra lonson toojo ru gunung, sabap ulun ondo' tiningganai muno miningkual intor ra Misir no nambaal noyo ra malaat. Timinalikur ilo noyo intor ra susuban Kuno, am nambaal noyo ra rondo' sinungkalalaing tayar nilo galama'.’

SAGULION 9:26

Aku pana nakiasi' Riso, ‘Iou Tuhan Raja', pai' pusoo' ulun Muno, ondo' binayag Mu noyo am inibit miningkual intor ra Misir ra kaikangan am kuasa' Muno ondo' maayo.