SAGULION 9:26 - Tanou Moonsoi Timugon

²⁶ Aku pana nakiasi' Riso, ‘Iou Tuhan Raja', pai' pusoo' ulun Muno, ondo' binayag Mu noyo am inibit miningkual intor ra Misir ra kaikangan am kuasa' Muno ondo' maayo.

SAGULION 9:26 ပူးပေါင်းရင်းမြစ်များ

2 SAMUIL 7:23

Giti ra titikop ru tana' ti, kolondo' bansa' ra bokon koson ra Israil, ondo' binayag Mu noyo intor ra pangulipanan, am niayuk mapasauk risilo ra ulun Muno galama'. Binaal maayo am makaimuag no, ondo' binaal Muno risilo napatulai noyo ra inggalan Muno ra titikop ru tana' ti. Napagiru' Kou ra bansa'-bansa' ra bokon am dewa-dewa nilono paat ra ulun Muno jumalai mangayou, ulun ondo' binayag Muno intor ra Misir koson masauk ra ulun Muno galama'.

1 RAJA'-RAJA' 8:51

Ilo ulun Muno galama', ondo' inibit Muno miningkual intor ra Misir, intok nilo inimbolo'.

1 RAJA'-RAJA' 8:53

Nampili' Kou risilo intor ra ngaangai' bansa' koson masauk ra ulun Muno galama'; ginio noyo ragu Muno risilo mansail ra ulipon Muno i Musa, paat ra Okou nagibit ra kinamatuaan maili miningkual intor ra Misir.”

NIGIMIA 1:10

Iou Tuhan, ilo ti ulipon Muno, ulun Muno galama'. Binayag Mu noyo ilo ra kuasa' am ikang Muno ondo' maayo.

MAZMUR 106:23

I Aki Kapuuno' pana makaguang mamuso ra ulun Nano; kaa' sinawai ri Musa, ulun pinili' Nano. I Musa minayantanga' risilo, saboi sangit ri Aki Kapuuno' liminook.

MAZMUR 107:2

Rulio' min ragu-ragu raginio koson mongompor ra Tuhan, akau ondo' binayag Nano. Binayag No akau intor ra pantula',

MAZMUR 28:9

Iou Tuhan, bayago' noyo ulun Muno, am barakati' ilo no ondo' masauk ra longgom Muno. Sauk no koson ra magagalung risilo, am alungi' ilo ra sabuoi-buoi no.

MAZMUR 57:1

Ra tingganai santimungan maririmbai. Sumugut ra rimbai: Pai' pusoo'. Mazmur ri Daut, bulintok ra io nansibuni ra luang ru batu koson manuliar ra Raja' Saul.

MAZMUR 77:15

Okou noyo i Aki Kapuuno' ondo' nambaal ra kaimuagan; pinaintalang Mu kuasa' Muno ra bansa'-bansa'.

MAZMUR 78:35

Makara' nilo ra i Aki Kapuuno' no manindung risilo, ra Io Ondo' Maayo Kaga' Kuasa' no mamamayag risilo.

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

KAINGKUALAN 15:13

Naningganai Kou ra ulun ondo' binayag Muno, sabap ra gagaya' Muno ra bantu' Muno. Ra ikang Muno ondo' maayo, naningganai Kou risilo mongoi ra tana' Muno ondo' matulai.

KAINGKUALAN 33:13

Amon ru topot ginio, pambala' ra inatangan Muno maa' raginio makapangandoi aku Rirun am magulayun mapabansuk ra guang Muno. Karaa' niayuk ra Okou nampili' ra ulun ragitilo masauk ra Okou galama' tatangan.”

KAINGKUALAN 34:9

Kono, “Tuhan, amon ru totopot Kou maansayan raki', kitaakon Tokou maya' ramon. Bambalingatan ulun ragitilo, kaa' ampuno' noyo kalaatan am niayuk tula mai, am apuo' akai koson ra ulun Muno galama'.”

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

JISAYA 63:19

am pamakuan Muno ramon koson ra kalo igondo' Kou nanguasa' ramon, am koson ra kalo igondo' akai kasauk ra ulun Muno.

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

SULABOI 2:20

Ilai' noyo, iou Tuhan! Ilai' ilo ondo' inimbolo' Muno! Ruandu'-ruandu' mangakan ra anak-anak ondo' tagamin nilo! Imam-imam am nabi-nabi pinatoi giu' ra ralalom Baloi ru Tuhan!

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

SAGULION 13:5

Kaa' potoyo' noyo nabi kapoam mambala' ra inupi ondo' nanusub ramuyun gumuor ra Tuhan ondo' namayag ramuyun intor ra Misir, intok min inulipon ragili. Ulun koson raginio malaat am kuminam mapalayau ramuyun intor ra kaayagan ondo' mapabansuk ra guang ru Tuhan. Musiti' potoyon ulun no, maa' raginio mairu' kalaatan intor ra gino ngai' min.

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 21:8

Iou Tuhan, ampuno' noyo ulun Muno Israil ondo' binayag Muno intor ra Misir. Ampuno' noyo akai am pai' karaa' ra pinalansan akai ra namatayan ra ulun ondo' kolondo' sala.’

SAGULION 32:9

kaa' papag ri Jakub pinili' ru Tuhan tayar Nano galama'.

SAGULION 7:8

Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

SAGULION 9:12

Kopongo raginio indagu Tuhan raki', ‘Kataki' noyo tuun giu' ra lonson toojo ru gunung, sabap ulun ondo' tiningganai muno miningkual intor ra Misir no nambaal noyo ra malaat. Timinalikur ilo noyo intor ra susuban Kuno, am nambaal noyo ra rondo' sinungkalalaing tayar nilo galama'.’

SAGULION 9:27

Karaa' noyo ulipon muno i Abragam, i Isak am i Jakub. Pai' lioo' bambalingatan, kalaatan am tula ru ulun ragitio.

SAGULION 9:29

Sala' ka kia ilo ti ulun ondo' pinili' Muno masauk ra ulun Muno galama'? Ilo noyo ondo' inibit Muno miningkual intor ra Misir ra kuasa' am kaikangan Muno ondo' maayo.’ ”

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.

1 SAMUIL 7:9

Nanimbalui i Samuil ra sanginan anak domba mamulok am pinataak no ginio ra tayar ru taak simbalui koson mapabansuk ra guang ru Tuhan. Kopongo raginio nakiasi' io ra Tuhan mangindangan ra Israil, am iniou ru Tuhan pakiasian nano.