SAGULION 9:21 - Tanou Moonsoi Timugon

²¹ Inalap ku kuliamos jajajou ondo' binaal min noyo, iono sapi' intor ra logam, am pinatiran ginio ralalom ru apui. Kopongo raginio pinilang-pilang am inumok ku nasauk ra kaau, am pinatiran ralalom ru sungoi ondo' timinilis intor ra gunung no.

SAGULION 9:21 ပူးပေါင်းရင်းမြစ်များ

1 RAJA'-RAJA' 15:13

Nangimpai Raja' Asa ra aru' nano, i Maakga, intor ra intok nano koson ra ina' ru raja' ruandu', sabap ra nambaal i Maakga rondo' sinungkalalaing makauyuyu', Dewi Asyira, sinungkalalaing sambaan ondo' makatatandu' ra kalabungan. Raja' Asa napalunsai ra sinungkalalaing sambaan raginio am sinolob no giu' ra Limayak Kidron.

2 TUNUNG RU BANSA' ISRAIL 34:7

Giu' ra titikop ru tampilon Pamarintaan Ralayo, Raja' Josia nampalunsai am nangumok ra altar-altar am tatandu'-tatandu' ru Dewi Asyira, am niayuk altar-altar koson monolob ra kaminyan. Kopongo raginio minuli' io ra Jirusalim.

KAINGKUALAN 32:20

Alapo' ri Musa sinungkalalaing ru sapi' intor ra mas ondo' binaal nilono, am luwo' am tutuo' saboi naumok, lauki' no boo ra timug. Susubo' boo ri Musa ulun ru Israil manginum ra timug no.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 31:7

Bulintok no masuku' paat ra akau ngaangai' mamatir ra sinungkalalaing sambaan intor ra pirok am mas, ondo' binaal ru kalindu' mino ondo' napanu' ra tula.

GOSIA 8:11

“Sumuang-suang altar ondo' baalon ru ulun ru Israil koson mamuso ra tula, sumuang poyo boo intok nilo mambaal ra tula.

MIKA 1:7

Pusoon Ku ngaangai' sinungkalalaing no, am moonong kuliamos ondo' longgom ru ulun mantalan ra inan giu' ra kuil pusoon ralalom ru apui. Ngaangai' sinungkalalaing nano masauk ra ginsamol. Naalapan ru Samaria ra ngaangai' kuliamos no koson ampos ru sumamba ra dewa kalabungan; raino pantula' nano piboo nagibit ra kuliamos-kuliamos no koson taakin ra ulun-ulun mantalan ra inan giu' ra kuil ru bokon.”

SAGULION 9:20

Siminangit kaga' Tuhan ri Arun saboi masaga' mamuso riso. Paat raginio niayuk boo, nakiasi' aku ra bala ri Arun.