SAGULION 9:11 - Tanou Moonsoi Timugon

¹¹ Nalupus apat ngoopor ngoorou am apat ngoopor ngorondom, nanaak Tuhan raki' ra ruo batu tulis raginio. Tinulisan No batu tulis no ra nabantuan no.

SAGULION 9:11 ပူးပေါင်းရင်းမြစ်များ

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

UNTABAN 10:33

Paat ra ulun ru Israil nangiruan ra Sinai, gunung matulai no, minugar ilo buoi talu ngoorou. Kaban Nabantuan ru Tuhan magail ibiton sumigulu risilo koson maguyum ra intok pangkiman nilo.

SAGULION 9:9

Nagaloi aku ra gunung raginio koson nangapu ra ruo batu tulis ondo' tinulisan ra nabantuan ondo' binaal ru Tuhan ramuyun. Minayan aku ra giu' buoi apat ngoopor ngoorou am apat ngoopor ngorondom, am kalo nangakan kapoam nanginum aku ra atan pana.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.