SAGULION 9:1 - Tanou Moonsoi Timugon

¹ “Rongogo' noyo, ulun ru Israil kau ngai'! Paat ra orou raiti' lumaup kau ra Sungoi Jordan, am mayan ra tana' ondo' linonggom ru bansa'-bansa' ondo' maayo poyo am maikang poyo intor ramuyun. Bandar-bandar nilo mangaayo, am timbok ru bandar-bandar no masawat saboi ra limbowon.

SAGULION 9:1 ပူးပေါင်းရင်းမြစ်များ

KASAUKAN 11:4

Indagu ilo, “Raino pambaal takau ra bandar am manara ondo' makasuku' ra lingkatur ru limbowon maa' raginio itakau mauligan kaga' ru ulun am kalo makapantuliar ra titikop ru tana' ti.”

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

DANIL 4:11

Puun tataun no giminayo am maikang saboi untu nano nakasaboi ra limbowon am maalap kakito ru moonong ulun ra tana' ti.

AMOS 2:9

Kabalu' pana koson raginio, akau ulun Kuno, ra tayar min noyo mamuso ra ulun ru Amori ondo' masawat koson ra puun sidar am maikang koson ra puun oak.

UNTABAN 13:22

Pagulu minongoi ilo tampilon rabugus ru tana' no am nakasaboi ra bandar Gibron, intok inayanan ru bansa' ru Agiman, Sisai am Talmai, ngaangai' no papag ru maayo ulun ondo' sabiton ra Inak. Bandar Gibron no binaal ra tulu' ngambilor ra kalo poyo bandar Soan giu' ra Misir.

UNTABAN 33:51

ra panuluan-panuluan ragitio ra tayar ru ulun ru Israil, “Paat ra akau lumaup ra Sungoi Jordan am mongoi ra tana' ru Kanaan,

SAGULION 1:28

Kua kia ongoi takau ra giu'? Malaa' takau. Ulun-ulun pansigo ondo' sinusub takau no nambala' ritakau ra ulun ra giu' no mangaikang poyo am mangasawat poyo intor ritakau. Ulun ra giu' no minayan ra bandar-bandar ondo' timbok no mangasawat saboi ra limbowon. Nakakito ulun-ulun pansigo no ra maayo ulun ra giu'!’

SAGULION 11:23

Pagiruon No boo ngaangai' bansa' no paat akau jumalai, am mayan kau ra tana' ra linonggom ru bansa' ondo' mangaayo poyo am mangaikang poyo intor ramuyun.

SAGULION 11:31

Kalo boo mabuoi lumaup kau ra Sungoi Jordan am mayan ra tana' ondo' taakin ramuyun ru Tuhan i Aki Kapuuno' min. Paat ra akau mayan ra tana' raginio am lumayun ra giu' no,

SAGULION 27:2

Paat ra orou akau liminaup ra Sungoi Jordan am nakasaboi giu' ra tana' ondo' pataakon ramuyun ru Tuhan i Aki Kapuuno' min, musiti' min potolorogon kukula' batu maayo am kapurin batu raginio.

SAGULION 3:18

Paat raginio niayuk nanusub aku risilo, ‘Tuhan i Aki Kapuuno' takau nanaak noyo ritakau ra tana' tampilon ra sirangon ru Sungoi Jordan koson masauk ra intok ayanan min. Raino ukapi' noyo saujor mino ra kinandoi mangayou, am susubo' ilo mongoi ra sandaup ru Sungoi Jordan, maa' raginio sumigulu ilo ra bansa' ru Israil ra bokon koson mangindangan risilo mayan ra tana' raginio.

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:38

Napagiru' Io ra bansa'-bansa' ondo' maayo poyo am maikang poyo intor ramuyun, maa' raginio makapagibit Io ramuyun mongoi ra tana' nilo, am manaak ramuyun ra tana' raginio. Saboi raino tana' no lakat poyo akau tatangan.

SAGULION 6:10

“Nambantu' noyo Tuhan i Aki Kapuuno' min ra kinamatuaan min i Abragam, i Isak am i Jakub ra manaak Io ramuyun ra tana' ondo' mokoondo' ra bandar mangaayo am langkaya', ondo' kalo baalon min.

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

JOSUA 1:11

lumiput ra titikop pangkiman am mambala' ra ulun raginio, “Pongoo' noyo akanon sabap talu ngoorou poyo lumaup kau ra Sungoi Jordan koson mampagaau ra tana' ondo' pataakon ru Tuhan i Aki Kapuuno' min ramuyun.”

JOSUA 1:15

saboi magaau nilo tana' tampilon ra kalasaan ru Sungoi Jordan, ondo' pataakon ru Tuhan i Aki Kapuuno' min risilo. Makapangani' Io ra kamiaan ra ngaangai' bansa' ru Israil, bagu no makasaguli' kau am lumayun ra tana' min galama', tana' tampilon ra sirangon ru Sungoi Jordan ondo' pataakon ri Musa, ulipon ru Tuhan no ramuyun.”

JOSUA 14:12

Ginio ra pataaki' noyo intok kabuluran no raki', tana' ondo' binantu' ru Tuhan raki' paat ra orou aku am ulun nabaya' raki' nanaak ra pambalaan. Paat ragili okou galama' nokorongog ra bansa' ru maayo ulun ondo' sabiton ra Inak minayan giu' ra intok raginio ralalom ru bandar mangaayo ondo' mokoondo' ra kubu. Maaru' Tuhan mabaya' raki', am makapapagiru' risilo koson ondo' rinagu ru Tuhan.”

JOSUA 3:14

Paat raginio mangkumos am koson ra kaindalaman, nampaliur Sungoi Jordan. Paat ra ulun ru Israil nangiruan ra pangkiman koson lumaup ra Sungoi Jordan, imam-imam ondo' nansaan ra Kaban Nabantuan minugar ra saang nilo. Makatapung ayuk kalayam ru imam-imam no ralalom ru timug,

JOSUA 3:16

muog sungoi no tumilis. Maalur giu' ra ralayo ru sungoi, natimung timug no giu' ra Adam, rondo' bandar maar ra Sartan. Timug ondo' tumilis mongoi ra Raat Matoi naputat toojo. Ginio ra nakalaup ulun ru Israil ra sungoi maar ra bandar Jiriko.

JOSUA 3:6

I Josua pana nanusub ra imam-imam nangkayang ra Kaban Nabantuan am minugar siminigulu ra ulun ru Israil. Imam-imam no pana nambaal koson raginio.

JOSUA 4:19

Ulun ru Israil liminaup ra sungoi no paat ra orou Koopor sila' kasaa', am nangkim ilo giu' ra Gilgal, tampilon ra sirangon ru bandar Jiriko.

JOSUA 4:5

am indagu, “Tuun ra sungoi giu' ra saang ru Kaban Nabantuan ru Tuhan i Aki Kapuuno' min. Sigagama' musiti' mangalap rondo' batu, rondo' batu tayar ru moonong bansa' ru Israil. Saani' batu no.