SAGULION 8:8 - Tanou Moonsoi Timugon

⁸ tana' ondo' manangampos ra gandum am barli, kawa' ru anggur, kawa' ru ara, kawa' ru dalima', kawa' ru jaitun am ruu' ru maningot.

SAGULION 8:8 ပူးပေါင်းရင်းမြစ်များ

KASAUKAN 49:11

Pinarukug no anak kaladai ra puun anggur, puun anggur ra moonsoi kaga'. Mampupu' io ra konoon nano ra wain, koson ra kinalia' ru raraa'.

2 SAMUIL 4:6

Nainamot ra ruandu' ondo' magalung ra kulobon ru baloi nokororot sabap ra matikoolong paat nangimpili' ra gandum. Ginio ra i Rikab am i Baana nakaumpos ra simininok.

1 RAJA'-RAJA' 5:11

Raja' Salomo no pana nangani' ra Raja' Giram ra 322,500 ngakilogram gandum am 400,000 ngalito umau jaitun kopoyo ra moonong bilor koson akanon ru mamagun ru Raja' Giram.

2 RAJA'-RAJA' 18:32

saboi ra raja' ru Asyur mapabanding ramuyun giu' ra pagun ondo' nogondo' ra pagun min. Giu' no mokoondo' masuang umo ru anggur ondo' manangampos ra wain am gandum koson mambaal ra ruti'. Pagun no nososok ra puun ru jaitun, am ruu' ru maningot. Amon ru gumagaya' kau ra susuban ru raja', maayag kau am kalo matoi. Pai' karuung ru Raja' Gijkia. Pai' karaa' ra mamayag Tuhan no ramuyun.

MAZMUR 147:14

Magalung Io ra kaansayan ru pagun muno am basugon kou ra gandum ra moonsoi kaga'.

MAZMUR 81:16

Kukumin Ku ulun masisang Raki'; am ukumin ilo ra sabuoi-buoi no.

JISAYA 7:23

Paat raginio umo ru anggur ra mongoonsoi, ondo' tinanaman saribu ngampuun am mokologo saribu ruit pirok, ngaangai' no tuwin ru sakot am kataunan sulinit.

JIRIMIA 2:7

Magibit Aku risilo mongoi ra tana' ondo' malabung koson sumia' ra ampos no am ngaangai' ondo' moonsoi. Kaa' linumo nilo tana' Kuno; jinaka' nilo pagun ondo' pinataak Kuno risilo.

JIRIMIA 5:17

Mangai' ilo ra ampos ru tana' am akanon min; mampatoi ilo ra anak min, ungkuyon am niayuk ruandu'. Simbaluyon nilo sapi' am domba min; pusoon nilo puun ru anggur am puun ru ara min. Bandar-bandar ra makakubu ondo' lansanin min puuton ru saujor nilo.

YEHEZKIEL 27:17

Jiuda am Israil nambali ra kuliamos muno am binayaran ra gandum, ruu' maningot, umau jaitun am apa' pampagamis ra akanon.

GOSIA 2:22

Saukon Ku ulun Kuno langkaya' am lumayun giu' ra pagun no. Makaasi' Aku risilo ondo' sabiton ‘Kalo Tagamin’; am risilo ondo' sabiton ‘Sala' ka Ulun Kuno’ am raguon Kuno ‘Akau ulun Kuno’; am tumaam ilo, ‘Okou noyo i Aki Kapuuno' mai.’ ”

GOSIA 2:8

Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

MIKA 4:4

Ngaangai' ulun maayag ra kaansayan giu' ra umo ru anggur am umo ru ara nilo; kolondo' sangulun pana mampakalalaa' risilo. Ginio noyo baal ondo' binantu' ru Tuhan Ondo' Maayo Kaga' Kuasa'.

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

UNTABAN 13:23

Kopongo raginio nakasaboi ulun-ulun pansigo no giu' ra Limayak Iskol. Giu' no nanatas ilo sambulisang kawa' ru anggur ondo' maagat kaga', saboi musiti' tampuyungin ru ruo ngaulun ra rondo' tataun. Nagibit ilo niayuk ra kukula' ngaunor kawa' ru dalima' am kawa' ru ara.

JUANIS 6:13

Ginio ra luluro' boo ru maamaya' Nano, am mokoondo' mopor am ruo ngambakul suang ru suwo nalulur nilai intor ra limo ngampila' ruti' barli ondo' inakan ru ulun masuang no.

JUANIS 6:9

“Giti mokoondo' sangulun lalaing ungkuyon ondo' makaruti' barli limo ngampila' am makapapait ruo ngaunor. Kaa' atan onong ru ginio ra susuang ru ulun ti?”

SAGULION 32:13

“Nangiou Io risilo mamarinta ra gunung-gunung, mangakan ilo ra ampos ru tinanom giu' ra umo-umo. Nakaalap ilo ra ruu' maningot ru kataunan giu' ra bulur batu; puun jaitun nilo timinuu' ra malabung giu' ra tana' ondo' makabatu.

SAGULION 32:14

Sapi' am kambing nilo nanangampos ra masuang gatas; mokoondo' ilo ra domba, kambing am sapi' ondo' moonsoi kaga', am niayuk gandum, am niayuk wain ondo' moonsoi kaga'.

SAGULION 6:3

Rongogo' noyo am gagayaa' noyo ukum-ukum raginio, ulun ru Israil kau ngai'! Koson raginio ra akau makakaansayan am masauk ra bansa' ondo' maikang, am niayuk mayan giu' ra tana' ondo' langkaya' am malabung no, koson ra ondo' binantu' noyo ru Tuhan i Aki Kapuuno' ru kinamatuaan takau.

SAGULION 8:7

Tuhan i Aki Kapuuno' min tatanga' magibit ramuyun mongoi ra tana' ondo' malabung, tana' ondo' mokoondo' ra sungoi am taur ru timug, am niayuk sungoi boborok giu' ragana' ru tana' ondo' bubuluak mongoi ra limayak-limayak am bulur-bulur;

SAGULION 8:9

Giu' no kalo maitilan kau kapoam mairuruan ra atan pana. Batu giu' ra tana' raginio mokoondo' ra basi' am makakal min tambaga' giu' ra bulur-bulur.