SAGULION 8:2 - Tanou Moonsoi Timugon

² Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

SAGULION 8:2 ပူးပေါင်းရင်းမြစ်များ

KASAUKAN 22:1

Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

2 TUNUNG RU BANSA' ISRAIL 32:31

Paat ra ulun-ulun sinusub intor ra Babilonia minatong ra Raja' Gijkia koson mangkuot intor ra kasaukan makaimuag ondo' nasauk giu' ra pagun no, nompoloso Tuhan ra Raja' Gijkia galama' mingkuor, maa' raginio makinaman guang nano.

2 TUNUNG RU BANSA' ISRAIL 33:12

Ralalom ru kaimbalaan nano Raja' Manasi mininggana' guang, am siminaguli' ra Tuhan, i Aki Kapuuno' nano, am nakiasi' ra nakiindangan Riso.

2 TUNUNG RU BANSA' ISRAIL 33:19

Pakiasian ru raja' am taaman ri Aki Kapuuno' ra pakiasian no, tula ru raja' ra io kalo poyo timinalikur intor ra tula, binaal nano ondo' malaat, intok sambaan ra sinungkalalaing am tatandu'-tatandu' ru Dewi Asyira ondo' binaal nano, am niayuk sinungkalalaing ondo' sinamba nano, tinulisan giu' ra ralalom ru kitab Sejarah Nabi-Nabi.

NIGIMIA 9:19

Kaa' kalo nangiruan Kou risilo giu' ra tana' kaagisan, sabap ra asi' Muno maayo kaga'! Kalo inalap Mu saguli' lugu' ru gaun kapoam lugu' ru apui ondo' nanulu' risilo ra ralan ra matawang am molondom.

AYUP 33:17

Mindagu i Aki Kapuuno' maa' raginio lumonggo' ilo mambaal ra tula, am mangiruan ra kalimbawan nilo.

MAZMUR 103:2

Omporo' noyo Tuhan, alii ra salibuor kuno, am pai' liliani' kaansayan Nano.

MAZMUR 106:7

Bulintok giu' ra Misir kinamatuaan maili kalo nakarati' ra atan binaal Nano ondo' makaimuag; nalilianan nilo togom Nano ondo' lumuab, am lumaat ilo gumuor ra Io Ondo' Maayo Kaga' Kuasa' giu' ra Raat Galaga.

MAZMUR 136:16

Tiningganai No ulun Nano maya' ra tana' kaagisan; togom Nano mantilayun.

MAZMUR 77:11

Indagu aku boo, “Gitio noyo makaruol toojo ra guang kuno, ra i Aki Kapuuno' kalo boo manguasa'.”

MAZMUR 81:7

“Kinayang ku noyo sinaanan mino; am mapalabus ramuyun intor ra kandoi pajajalin.

KAINGKUALAN 15:25

Pakiasi' toojo i Musa ra Tuhan, am papakito Tuhan riso ra rondo' tataun. Patapungo' ri Musa tataun no ralalom ru timug, am kalo boo mapait timug no saboi mainum. Giu' ra intok no, nangani' Tuhan risilo ra ukum, am giu' no niayuk nangkinam Io risilo.

KAINGKUALAN 16:35

Nangakan ulun ru Israil ra manna buoi apat ngoopor ngambilor polos ilo nakasaboi ra tana' ru Kanaan, intok pamagunan nilo. (

KAINGKUALAN 16:4

Indagu Tuhan ri Musa, “Raino maparatu' Aku ramuyun ngaangai' ra akanon intor ra limbowon. Moonong orou ulun musiti' mingkual manimung ra ruti' kaukapan ra songorou. Ralan ragitio makapangkinam Aku ra ulun Kuno, maa' raginio mapandayan Ku ru gagayaan nilo susuban Kuno kapoam kalo.

KAINGKUALAN 20:20

Taam i Musa, “Pai' kalaa'; i Aki Kapuuno' matong koson mangkinam ayuk ramuyun, maa' raginio rumayus kau gumagaya' Riso am maa' raginio kalo makatula kau.”

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JIRIMIA 2:6

Kalo mampalio ilo Raki', kabalu' pana binayag Ku ilo intor ra Misir am naningganai risilo nansail ra tana' kaagisan: tana' kolondo' tutuu' am bulur ru agis, tana' mapua' am makalalaa', tana' kolondo' ulun namagun am kolondo' ulun mansail.

YEHEZKIEL 20:19

Aku, Tuhan i Aki Kapuuno' min. Gagaya' kano ra ukum am susuban Kuno.

AMOS 2:10

Inibit Takamin noyo miningkual intor ra Misir am naningganai ramuyun nansail ra tana' kaagisan buoi 40 ngambilor. Pinataak Ku noyo pagun ru ulun ru Amori ramuyun maa' raginio masauk ra pagun min galama'.

UNTABAN 14:33

Tumanggau anak mino ra tana' kaagisan buoi apat ngoopor ngambilor. Sabap ra kalo gumagaya' kau, maimbolo' anak-anak mino, saboi akau ngaangai' no matoi.

LUKAS 18:14

“Balain takamin: Intor ra ruo ngaulun i, sala' ka ulun-ulun ru Parisi i, kaa' ulun mampalulur ra cukai i ondo' motopot ra pagilangan ri Aki Kapuuno'. Moonong ulun minsawat guang, paingganaan, am moonong ulun minggana' guang, painsawaton.”

JUANIS 2:25

Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.

SAGULION 1:3

Paat ra orou kasaa' sila' koopor am rondo' ralalom bilor kaapat ngoopor nalupus ilo nangiruan ra Misir, nambala' i Musa ra ulun ru Israil ra ngaangai' ondo' nanusuban ru Tuhan riso, koson posoboyon risilo.

SAGULION 1:33

kabalu' pana masalok Io mugar giu' ra saang min koson maguyum ra intok pangkiman ramuyun. Soroi io ra saang min ralalom lugu' ru apui paat ra rondom ti am ralalom lugu' ru gaun paat ra matawang, koson manulu' ramuyun ra ralan.”

SAGULION 13:3

pai' lioo' ragu nano. Namakai Tuhan i Aki Kapuuno' min riso koson mangkinam ramuyun, maa' raginio mapandayan ru Tuhan ra motogom kau Riso ra sotopot ru guang kapoam kalo.

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.

SAGULION 29:5

Buoi apat ngoopor ngambilor paat Tuhan naningganai ramuyun mansail ra tana' kaagisan, bayang am kasut min kalo naapu'.

SAGULION 32:7

“Karaa' noyo paat ragili, galing i poyo; kitaako' ama' min mantunung raginio ramuyun; kitaako' ulun matutuo mantunung ra tunung ragili.

SAGULION 7:18

Pai' kalaa' risilo. Karaa' noyo binaal ru Tuhan i Aki Kapuuno' min ra raja' ru Misir am ngaangai' mamagun nano.

SAGULION 8:16

Giu' ra tana' kaagisan nanaak Io ramuyun ra manna, rondo' salinut ru akanon ondo' kalo igondo' akano' ru kinamatuaan min. Naparatong Io ra kapaganan koson mangkinam ramuyun, maa' raginio paat ra pupus no mobonsoi Io ramuyun.

JAKUBUS 1:3

sabap ra napandayan min noyo ra ampos ru akau makagula' ra pangkinaman, iono guang pantataan.

JAKUBUS 4:10

Paingganaa' noyo guang mino ra saang ru Tuhan, am painsawaton kau boo ru Tuhan.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

TINGGANAI RU BANSA' 2:22

Pakayon Ku bansa'-bansa' raginio koson mangkinam ra ulun ru Israil, maa' raginio makapandai Aku ru sumugut kia ulun ru Israil ra susuban Kuno koson ra kinamatuaan nilo kapoam kalo.”

TINGGANAI RU BANSA' 3:4

Bansa'-bansa' no nasauk ra pangkinaman tayar ru ulun ru Israil, koson makapandai ru gumagaya' ilo kapoam kalo ra susuban ondo' pinataak ru Tuhan ra kinamatuaan nilo ondo' pinabala' galing ri Musa.