SAGULION 8:19 - Tanou Moonsoi Timugon

¹⁹ Pai' liliani' Tuhan i Aki Kapuuno' min am pai' ongoi ra tuhan-tuhan ra bokon koson sumamba am mangandoi ra tuhan-tuhan raginio. Pakaraan Takamin ra orou raiti' ra amon mambaal kau niayuk, maaru' mapuso kau.

SAGULION 8:19 ပူးပေါင်းရင်းမြစ်များ

JIRIMIA 25:6

Nanginggalar nabi-nabi ramuyun sumamba am mangandoi ayuk ra tuhan-tuhan ra bokon. Nanginggalar ilo niayuk ramuyun sumamba ra sinungkalalaing ondo' binaal min galama', sabap baal raginio mapasingkual ra sangit ru Tuhan. Amon ru gumagaya' kau ra susuban ru Tuhan no, kalo mangukum Io ramuyun.

JIRIMIA 7:6

Pai' imboloo' bansa' ra bokon, anak kolondo' matuo am napuor. Pai' potoyo' ulun ondo' kolondo' sala ra pagun ti. Pai' samba ra tuhan-tuhan ra bokon, sabap binaal raginio mamuso ramuyun.

DANIL 9:2

Paat ra bilor kasaa' ra pamarintaan nano, nambasa' aku ra buuk kitab. Nampaguang aku toojo ra baal ru bandar Jirusalim ondo' nasauk ra tuntur nalunsai buoi tulu' ngoopor ngambilor, koson ondo' rinagu ru Tuhan ri Nabi Jirimia.

AMOS 3:2

“Intor ra ngaangai' bansa' ra tana' ti, akau noyo rorondo' bansa' ondo' nauligan Kuno am alungin. Ginio sabap ra tula min maayo, am musiti' ukumin Takamin.”

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

JIPANYA 3:6

Indagu Tuhan, “Nampaluus Aku noyo ra masuang bansa'; nanutuk Aku ra bandar-bandar nilo, am nampasauk ra timbok am niayuk manara-manara nilono ra nalunsai. Bandar-bandar nilo masiluk kolondo' ulun namagun am ralan-ralan pana masiluk; kolondo' boo ulun minayan ra giu' no.

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

LUKAS 13:3

Kalo! Balain takamin, amon ru kalo tumalikur kau intor ra tula mino, akau ngaangai' matoi koson risilo am pasubolon ra naraka.

LUKAS 13:5

Kalo! Balain takamin, amon ru kalo tumalikur kau intor ra tula mino, akau pana matoi koson risilo am pasubolon ra naraka.”

SAGULION 11:16

Pai' polosoo' akau palayawon saboi tumalikur intor ra Tuhan, am sumamba am mangandoi ra tuhan-tuhan ra bokon.

SAGULION 31:20

Magibit Aku risilo ra tana' ondo' langkaya' am malabung no koson ondo' binantu' Ku noyo ra kinamatuaan nilo. Giu' no makaalap ilo ra akanon ondo' pakuan nilo am matasu' kaayagan. Kaa' tumalikur ilo intor Raki' am sumamba ra tuhan-tuhan ra bokon. Mangimpai ilo Raki' am lumungkang ra nabantuan Kuno.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

JOSUA 23:13

maaru' Tuhan i Aki Kapuuno' min kalo napagiru' ra bansa'-bansa' raginio paat akau nangayou risilo. Bansa'-bansa' raginio makalalaa' kaga' ramuyun sabap ra masauk ilo koson ra pamalandak kapoam koson pangambi' ramuyun. Mangkinibit ilo niayuk ramuyun maimbolo' kaga' sabap ra masauk ilo koson ra pitol lalapos ra bakulung min, kapoam koson ra ruui ralalom ru mato min. Marayus kau maimbolo' saboi kolondo' sangulun pana mayan ra tana' ragitio ondo' tinaakan ru Tuhan ramuyun.

1 SAMUIL 12:25

Kaa' amon ru mararayus kau makatula, akau am raja' mino pusoon.”