SAGULION 8:18 - Tanou Moonsoi Timugon

¹⁸ Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

SAGULION 8:18 ပူးပေါင်းရင်းမြစ်များ

1 TUNUNG RU BANSA' ISRAIL 29:12

Ngaangai' rapu' am kalangkayaan intor noyo Rirun; ngaangai' no Okou nanguasa' ra kaikangan am kuasa' Muno; Okou makakuasa' mambaal ra osoi ayuk masauk ra ulun maayo am maikang.

2 TUNUNG RU BANSA' ISRAIL 25:9

Pangkuot Raja' Amajia ra nabi no, “Kaa' ati kulaan kia ra ngaangai' pirok ondo' tinaakan ku noyo koson mampagaji' risilo?” Taam nabi no, “Tuhan makapangani' ra masuang poyo intor raginio rirun!”

MAZMUR 144:1

Mazmur ri Daut. Omporo' noyo Tuhan, manindung raki'! Mangubas Io raki' koson ra mantutura', am mampatampos raki' koson mangayou.

MAZMUR 44:3

Okou galama' nanginggalar ra ngaangai' bansa' maa' raginio ulun Muno mayan ra pagun nilo galama', inurana' Mu ngaangai' bansa' ra bokon, kaa' napasauk ra ulun Muno ra langkaya'.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

MAMPATANOU 12:1

Ginio ra karaa' noyo Io Namangun ramuyun paat ra akau mamulok, ra kalo poyo makasaboi bulintok kaimbalaan min am mindagu kau, “Kalo nakasia' akai ra kaayagan.”

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

JIRIMIA 23:27

Pangkaraan nilo ra inupi-inupi ondo' tinunung risilo no nangkinibit ra ulun Kuno nampalilian Raki' koson ra kinamatuaan nilo nampalilian Raki', am siminamba ra Baal.

GOSIA 2:8

Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

SAGULION 26:10

Ginio ra, raino ra Tuhan, mapataak aku ra tayar kasaa' intor ra ampos ru tinanom ondo' pinataak Nano raki'.’ “Mopongo raginio pabantaa' bakul no giu' ra saang ru Tuhan am sambayang noyo Riso ra giu' no.

SAGULION 6:11

Baloi ra giu' no nototop ra kuliamos mongoonsoi, ondo' kalo binulian min. Mokoondo' niayuk tulubong-tulubong ondo' kalo kinali min, am niayuk umo ru anggur am umo ru jaitun ondo' kalo tinanom min. Paat ra magibit Tuhan ramuyun mongoi ra tana' raginio am mokoondo' kau ra ngaangai' ondo' tiakanon min,

SAGULION 7:12

“Amon mangkirongog kau ra ukum ragitio am baalon min ra gagaya', rumayus boo Tuhan i Aki Kapuuno' min manugut ra nabantuan ondo' binaal Nano ramuyun am mapakito ra togom Nano ramuyun, koson ondo' binantu' Nano ra kinamatuaan mini.

SAGULION 7:8

Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

SAGULION 8:1

“Gagayaa' noyo ra totopot ngaangai' ukum ondo' pataakon kuno ramuyun ra orou raiti', maa' raginio marayus kau maayag am rumuang suang mino, am makaayan ra tana' ondo' binantu' ru Tuhan ra kinamatuaan min.

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.

TINGGANAI RU BANSA' 7:2

Indagu Tuhan ri Gidion, “Masuang kaga' ulun muno. Kalo masaga' Aku manaak risilo ra kamanangan ra ulun ru Midian. Maaru' mangkara' ilo ra mamanang ilo sabap kaikangan nilo galama', saboi kalo mapatulai Raki'.

1 SAMUIL 2:7

Tuhan no mangkinibit ra santayaran ru ulun musikin, am bokon no pasaukon ra langkaya'. Io mapainggana' ra santayaran ru ulun, am bokon no painsawaton.