SAGULION 8:16 - Tanou Moonsoi Timugon

¹⁶ Giu' ra tana' kaagisan nanaak Io ramuyun ra manna, rondo' salinut ru akanon ondo' kalo igondo' akano' ru kinamatuaan min. Naparatong Io ra kapaganan koson mangkinam ramuyun, maa' raginio paat ra pupus no mobonsoi Io ramuyun.

SAGULION 8:16 ပူးပေါင်းရင်းမြစ်များ

KASAUKAN 22:1

Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

2 TUNUNG RU BANSA' ISRAIL 32:31

Paat ra ulun-ulun sinusub intor ra Babilonia minatong ra Raja' Gijkia koson mangkuot intor ra kasaukan makaimuag ondo' nasauk giu' ra pagun no, nompoloso Tuhan ra Raja' Gijkia galama' mingkuor, maa' raginio makinaman guang nano.

AYUP 42:12

Nambarakat Tuhan ri Ayup ra masuang poyo kaga' paat ra pupus ru kaayagan nano intor ra paat ra io kalo poyo naimbolo'. Mokoondo' i Ayup ra 14,000 ngainan domba, 6,000 ngainan unta, 2,000 ngainan sapi', am 1,000 ngainan kaladai.

MAZMUR 119:68

Moonsoi Kou kaga' am baalon Muno moonsoi; ilaa' aku no ra panusuban inatang Muno.

KAINGKUALAN 15:25

Pakiasi' toojo i Musa ra Tuhan, am papakito Tuhan riso ra rondo' tataun. Patapungo' ri Musa tataun no ralalom ru timug, am kalo boo mapait timug no saboi mainum. Giu' ra intok no, nangani' Tuhan risilo ra ukum, am giu' no niayuk nangkinam Io risilo.

KAINGKUALAN 16:15

Pakakito ulun ru Israil raginio, kalo makapandai ilo atan ginio. Pasakuot ilo ra rondo' am bokon, “Atan kia ginio?” Indagu i Musa risilo, “Gitio noyo akanon pinataak ru Tuhan ramuyun ra akanon.

KAINGKUALAN 16:31

Ininggalanan ru ulun ru Israil akanon no ra manna. Babaal no koson ra unor mongoborok batik mapulak am liman no koson ra biskut ondo' binaal ra ruu' maningot.

KAINGKUALAN 16:4

Indagu Tuhan ri Musa, “Raino maparatu' Aku ramuyun ngaangai' ra akanon intor ra limbowon. Moonong orou ulun musiti' mingkual manimung ra ruti' kaukapan ra songorou. Ralan ragitio makapangkinam Aku ra ulun Kuno, maa' raginio mapandayan Ku ru gagayaan nilo susuban Kuno kapoam kalo.

KAINGKUALAN 20:20

Taam i Musa, “Pai' kalaa'; i Aki Kapuuno' matong koson mangkinam ayuk ramuyun, maa' raginio rumayus kau gumagaya' Riso am maa' raginio kalo makatula kau.”

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

SAGULION 13:3

pai' lioo' ragu nano. Namakai Tuhan i Aki Kapuuno' min riso koson mangkinam ramuyun, maa' raginio mapandayan ru Tuhan ra motogom kau Riso ra sotopot ru guang kapoam kalo.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

SAGULION 8:3

Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.