SAGULION 7:9 - Tanou Moonsoi Timugon

⁹ Karaa' noyo ra Tuhan i Aki Kapuuno' min rorondo' ayuk i Aki Kapuuno', am toojo Io manutun. Manugut Io ra nabantuan Nano am magail mapakito ra togom Nano ra saribu papag ru ulun ondo' motogom Riso, am ondo' gumagaya' ra ukum Nano,

SAGULION 7:9 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

1 RAJA'-RAJA' 8:23

am pakiasi', “Iou Tuhan, i Aki Kapuuno' ru Israil, kolondo' ondo' koson Rirun giu' ra limbowon kapoam ra tana' ti. Nanugut Kou ra bantu' Muno ra ulun Muno, am pinakito Mu togom Muno risilo paat ra ilo gumagaya' Rirun ra sotopot-topot ru guang.

1 TUNUNG RU BANSA' ISRAIL 16:15

Pai' liliani' nabantuan Nano ondo' nasauk koson ra sabubuoi no,

2 TUNUNG RU BANSA' ISRAIL 6:14

Pakiasi' io, “Iou Tuhan, i Aki Kapuuno' ru Israil, kolondo' ondo' koson Rirun giu' ra limbowon am giti ra tana' ti. Sinugut Mu bantu' Muno ra ulun Muno, am nampakito Kou ra togom Muno risilo paat ra ilo gumagaya' Rirun ra sototopot ru guang.

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

NIGIMIA 9:32

“Iou i Aki Kapuuno', i Aki Kapuuno' mai ondo' maayo! I Aki Kapuuno' ondo' makakuasa' am matulai! Nabaya' ra gagaya' sinugut Mu ngaangai' nabantuan. Intor ra raja'-raja' ru Asyur nangimbolo' ramon, saboi raino kaimbalaan ondo' mailian mai maagat kaga'. Raja'-raja', tingganai-tingganai, imam-imam am nabi-nabi mai, kinamatuaan am ngaangai' ulun naimbolo' noyo. Karaa' noyo, iou Aki Kapuuno', mapara' poros ru kaimbalaan mai.

MAZMUR 103:18

ra ilo ondo' gumagaya' ra nabantuan Nano, am gumagaya' ra susuban Nano.

MAZMUR 105:8

Ginuut No nabantuan Nano ra sabuoi-buoi no, bantu' Nano paugaron ra tayar ru baribu-ribu papag,

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 146:6

Io noyo i Aki Kapuuno' ondo' namangun ra limbowon, tana' ti am raat, am niayuk ngaangai' suang nano. Masalok Io manugut ra bantu' Nano;

MAZMUR 36:6

Iou Tuhan, togom Muno koson sawat ru limbowon, am gagaya' Muno makasuku' ra kinasawat ru gaun.

KAINGKUALAN 20:6

Kaa' mapakito Aku ra togom Ku ra riribu papag ru ulun ondo' motogom Raki' am gumagaya' ra ukum Kuno.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JIRIMIA 32:18

Nampakito Kou ra togom Muno ondo' mantilayun ra riribu ulun, kaa' nangukum Kou niayuk ra ulun sabap ra tula ru matuo nilo. Okou noyo i Aki Kapuuno' ondo' matulai am maikang toojo; Okou no Tuhan Ondo' Maayo Kaga' Kuasa'.

SULABOI 3:23

masalok baguon ra moonong susuab ti, sotopot no Io mampagagaya'!

DANIL 9:4

Pakiasi' aku ra Tuhan, i Aki Kapuuno' kuno, am nangiou ra tula ru bansa' kuno ra saang Nano. Indagu aku, “Iou Tuhan, i Aki Kapuuno', Okou maayo, am mangurumat akai Rirun. Manugut Kou ra nabantuan Muno, am magail Kou motogom ra ulun ondo' motogom Rirun am ondo' gumagaya' ra susuban Muno.

UNTABAN 14:18

‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

1 KORINTUS 1:9

I Aki Kapuuno' no kalansanin toojo. Io no ondo' nampiau ramuyun koson masimpung ra Anak Nano, i Jisus Kristus, Tuhan takau.

1 KORINTUS 10:3

Ilo ngaangai' nangakan ra akanon ondo' inanian ri Aki Kapuuno' ralalom ru kuasa' Nano.

1 KORINTUS 8:3

Kaa' ulun ondo' totopot motogom ri Aki Kapuuno', io ti mauligan ri Aki Kapuuno'.

2 KORINTUS 1:18

Sabap ri Aki Kapuuno' ondo' malansanan toojo, ragu kuno ramuyun kalo makulau ra “Iou” am “Kalo”.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

SAGULION 4:35

Binaal ru Tuhan ngaangai' baal raginio maa' raginio makapandai kau ra Io rondo'-rondo' noyo Tuhan, am kolondo' boo bokon.

SAGULION 4:39

Ginio ra karaa' noyo ra orou raiti' am pai' liliani' ra Tuhan rondo'-rondo' i Aki Kapuuno' giu' ra limbowon am giti ra tana' ti; kolondo' boo bokon.

SAGULION 5:10

Kaa' pakitonon Ku togom Kuno ra riribu papag ondo' motogom Raki', am ondo' gumagaya' ra ukum Kuno.

1 TISALONIKA 5:24

I Aki Kapuuno' noyo mampiau ramuyun, am Io no makapambaal raginio sabap ra Io totopot malansanan.

2 TISALONIKA 3:3

Kaa' Tuhan no totopot malansanan. Mampaikang am magalung Io ramuyun intor ra kalaatan.

2 TIMOTIUS 2:13

Kabalu' pana kalo mampagagaya' takau Riso, intopoton No bantu' Nali ritakau, sabap ra kalo noyo maungga' bantu' Nano.”

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

IBRANI 10:23

Ginio ra pirot takano mampaguut ra kalansanan takau, sabap ra totopot suguton ri Aki Kapuuno' atan ondo' binantu' Nali.

IBRANI 11:11

Sabap ra pangintapatan noyo, i Abragam nasauk ra ama', kabalu' pana matutuo io toojo am i Sara galama' tabanang, sabap ra nangintopot io ra suguton ri Aki Kapuuno' bantu' Nano.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.

TINGGANAI RU BANSA' 2:1

Intor Malaikat ru Tuhan ra Gilgal minongoi ra Bokim, am indagu ra ulun ru Israil, “Nagibit Aku ramuyun miningkual intor ra Misir am naningganai ramuyun minongoi ra tana' ondo' binantu' Kuno ra kinamatuaan min. Indagu Aku, ‘Totopot kalo sulangon Ku nabantuan Kuno ramuyun.

TINGGANAI RU BANSA' 5:31

Gama' ru ngaangai' pantula' Muno, iou Tuhan, matoi koson ri Sisira; kaa' gama' ru rangan Muno maantak koson ra mato ru orou giu' ra limbowon! Kopongo raginio mamimio pagun no buoi apat ngoopor ngambilor.