SAGULION 7:8 - Tanou Moonsoi Timugon

⁸ Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

SAGULION 7:8 ပူးပေါင်းရင်းမြစ်များ

KASAUKAN 19:16

Maimamang i Lot. Kaa' makaasi' Tuhan riso, ginio ra kitango' ru karuo ngaulun tambului no i Lot, andu' nano am karuruo anak nano mingkual intor ra bandar no.

KASAUKAN 19:29

Kaa' paat ri Aki Kapuuno' namuso ra bandar-bandar raginio am limayak ondo' inayanan ri Lot, nakakara' Io ri Abragam am pangindangan Io ri Lot nagiru'.

2 SAMUIL 22:20

Nampalabus Io raki' intor ra karaat; Namayag Io raki' sabap ra maansayan Io raki'.

1 RAJA'-RAJA' 10:9

Koompor noyo Tuhan, i Aki Kapuuno' muno! Nampakito Io noyo ra maansayan Io rirun am nampasauk rirun ra raja' ru Israil. Ginio sabap ra togom Nano mantilayun ra Israil, nampasauk Io noyo rirun ra raja' nilo maa' raginio makaugar mu ukum am katimpakan.”

1 TUNUNG RU BANSA' ISRAIL 16:16

nabantuan ondo' binaal Nano ri Abragam, am bantu' Nano ri Isak,

2 TUNUNG RU BANSA' ISRAIL 9:8

Koompor noyo Tuhan, i Aki Kapuuno' muno! Nampakito Io noyo ra maansayan Io rirun am nampasauk rirun ra raja' koson manguasa' ralalom ru inggalan Nano. Ginio sabap ra motogom Io ra ulun Nano Israil am masaga' magalung risilo ra sabubuoi no, sinauk No okou ra raja' nilo, maa' raginio okou mapapiot ra ukum am matimpok.”

MAZMUR 105:42

Makara' No nabantuan Nali ondo' matulai ri Abragam, ulipon Nano.

MAZMUR 44:3

Okou galama' nanginggalar ra ngaangai' bansa' maa' raginio ulun Muno mayan ra pagun nilo galama', inurana' Mu ngaangai' bansa' ra bokon, kaa' napasauk ra ulun Muno ra langkaya'.

MAZMUR 44:4

Kalo maalap nilo kakuasa' pagun ti ra ilang; kalo mamanang ilo ra kuasa' nilo galama', kaa' ra kuasa' am kaikangan am niayuk ratangan Muno, sabap ra Okou mangiou ra ulun Muno.

KAINGKUALAN 13:14

Paat ra orou matong, paat ra mangkuot anak ungkuyon mino ra arati' ru ngaangai' ti, musiti' min taamon koson ragitio, ‘Ralalom ru kuasa' ondo' maayo, inibit takau ru Tuhan miningkual intor ra Misir, intok itakau inulipon.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

JISAYA 43:4

Pataakon Ku ngaangai' bansa' koson suali ru painawo mino, sabap ra akau mologo ra guang Kuno, am sabap ra Aku monogom am niayuk mampagagaya' ramuyun.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

YEHEZKIEL 36:22

“Ginio ra posoboyo' tanou intor Raki', Tuhan Raja' ra ulun ru Israil: Atan ondo' baalon Kuno sala' ka sabap no kaatangan min ulun ru Israil, kaa' sabap no kaatangan ru inggalan Kuno ondo' matulai, ondo' jinamol min giu' ra moonong pagun inangayan min.

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

MALIAKI 1:2

Indagu Tuhan ra ulun Nano, “Magail Aku motogom ramuyun.” Kaa' taam ilo, “Ati kulaan Tuhan motogom ramon?” Taam Tuhan, “I Isau am i Jakub magaka'; motogom Aku ri Jakub am niayuk papag nano,

MATIUS 11:26

Iou Ama', gitio pinili' am kasagaan Muno galama'.

LUKAS 1:55

Koson ondo' binantu' Nano ra kinamatuaan takali, i Abragam am papag nano ra sabuoi-buoi no.”

ROMA 11:28

Intor ra ulun ru Israil kalo nangapu ra Tanou Moonsoi, pantula' ilo ri Aki Kapuuno', am ginio nai ra akau ulun sala' ka Jaudi makakaluagan. Kaa' maya' ra pampilian Nano, ulun ru Israil magulayun tagamin ri Aki Kapuuno' sabap ra ondo' binantu' ra kinamatuaan nilai.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 10:15

Kaa' togom ru Tuhan ra kinamatuaan mini maayo kaga' saboi nampili' Io ramuyun intor ra ngaangai' bansa', am akau noyo ulun pinili' Nano.

SAGULION 23:6

Buoi ra akau maayag am saboi ra sabuoi-buoi no, pai' pambaal ra atan-atan koson mangindangan ra bansa'-bansa' raginio, kapoam mapasauk risilo ra langkaya'.

SAGULION 33:3

Motogom Tuhan ra ulun Nano; Mangampin Io ra ngaangai' ulun ondo' masauk ra longgom Nano. Ginio sabap ra kumubu takau ra saang Nano, am gumagaya' ra susuban Nano.

SAGULION 4:20

Kaa' akau iono bansa' ondo' binayag Nano intor ra Misir, intok koson ra rapuan mampaliou ra basi' ondo' mapaang. Nagibit Io ramuyun miningkual intor ra pagun raginio maa' raginio masauk kau ra ulun Nano galama' koson ra baal min ra orou raiti'.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 4:37

Sabap ra motogom Io ra kinamatuaan min, nampili' Io ramuyun; am ra kuasa' Nano ondo' maayo, Io galama' nagibit ramuyun miningkual intor ra Misir.

SAGULION 5:6

‘Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok akau sinauk ra ulipon.

1 JUANIS 4:19

Mokotogom takau sabap ra i Aki Kapuuno' nakapagulu motogom ritakau.

1 SAMUIL 12:22

Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.