SAGULION 7:5 - Tanou Moonsoi Timugon

⁵ Ginio ra puuto' min altar ru bansa'-bansa' raginio, popolo' min lugu' batu karamat, tuntuaro' noyo tatandu' ru Dewi Asyira am solobo' sinungkalalaing nilono.

SAGULION 7:5 ပူးပေါင်းရင်းမြစ်များ

2 RAJA'-RAJA' 10:26

am napaingkual ra lugu' sambaan ondo' soroi ra giu' no am nonolob raginio.

1 TUNUNG RU BANSA' ISRAIL 14:12

Paat ra saujor ru Palistin nagigiru', iniruanan nilo sinungkalalaing sambaan nilono. Nanusub Raja' Daut koson monolob ra sinungkalalaing raginio.

2 TUNUNG RU BANSA' ISRAIL 14:3

Pinatiran ru Raja' Asa altar-altar ru bansa' ra bokon am intok-intok sambaan ra sinungkalalaing. Ginaba' no lugu'-lugu' sinungkalalaing am batu-batu pangkaraan ru Dewi Asyira.

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

KAINGKUALAN 32:20

Alapo' ri Musa sinungkalalaing ru sapi' intor ra mas ondo' binaal nilono, am luwo' am tutuo' saboi naumok, lauki' no boo ra timug. Susubo' boo ri Musa ulun ru Israil manginum ra timug no.

KAINGKUALAN 34:13

Lunsayo' noyo altar nilono; umoko' lugu'-lugu' karamat nilo am tagaro' tatandu' Asyira, sinungkalalaing nilo.

JISAYA 17:8

Kalo boo lumansan ilo ra altar-altar binaal nilo galama', kapoam lumansan ra kandoi ru kalindu' nilo galama', ioginio sinungkalalaing Dewi Asyira am altar-altar panalaban ra kaminyan.

IMAMAT 26:1

Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

SAGULION 16:21

“Paat ra akau mambaal ra altar tayar ru Tuhan i Aki Kapuuno' min, pai' potolorogo' lugu' tataun ondo' nasauk ra tatandu' ru Dewi Asyira ra sapapa' ru altar no.

SAGULION 16:22

Pai' tirongo' lugu' batu tayar ru sumamba ra sinungkalalaing giu' ra intok raginio. Masisang Tuhan i Aki Kapuuno' min ra baal raginio.”

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

SAGULION 9:21

Inalap ku kuliamos jajajou ondo' binaal min noyo, iono sapi' intor ra logam, am pinatiran ginio ralalom ru apui. Kopongo raginio pinilang-pilang am inumok ku nasauk ra kaau, am pinatiran ralalom ru sungoi ondo' timinilis intor ra gunung no.