SAGULION 7:26 - Tanou Moonsoi Timugon

²⁶ Pai' pagibit ra rondo' pana sinungkalalaing no ra baloi min. Amon magibit kau raginio, ulas ondo' lumumpa' ra sinungkalalaing no lumumpa' ramuyun niayuk. Akau musiti' masisang am magasab ra sinungkalalaing, sabap ulason sinungkalalaing no ru Tuhan.”

SAGULION 7:26 ပူးပေါင်းရင်းမြစ်များ

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 41:24

Akau am binaal mino kolondo' atan-atan arati'; ulun sumamba ramuyun mampajaka' ayuk.

YEHEZKIEL 11:18

Paat ra ilo muli', musiti' ilo mamatir ra ngaangai' sinungkalalaing ondo' malaat am makauyuyu' no.

YEHEZKIEL 14:7

“Paat ra sangulun Israil kapoam sangulun bansa' ra bokon ondo' minayan ra gino ngai' ru ulun ru Israil, timinalikur intor Raki' am siminamba ra sinungkalalaing, am makibilin boo intor ra sangulun nabi, Aku Tuhan tumaam riso!

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

JAKARIA 5:4

Minindagu Tuhan Ondo' Maayo Kaga' Kuasa' ra porotongon No pagulasan no ra moonong baloi ru moonong mantatakou am baloi ru moonong ulun ondo' nagibot ra kalo motopot. Pagulasan no mayan ra baloi nilo saboi ngaangai' no masauk ra tunturan ru napuut.”

ROMA 2:22

Ilaan min, “Pai' lapau,” kaa' akau boo galama' lumapau. Salaan min ilo ondo' sumamba ra sinungkalalaing, kaa' akau galama' mongoi pantakou ra sasambayangan nilo.

SAGULION 13:16

Timungo' noyo ngaangai' rapu' ru mamagun ru bandar raginio am pabantaa' ngaangai' no giu' ra padang ru bandar. Solobo' boo bandar raginio am ngaangai' soroi ra ralalom no koson ra taak ra Tuhan i Aki Kapuuno' min. Bandar raginio musiti' polosoon masauk ra nangatuyas ra sabuoi-buoi no, am lingon kalo baalon saguli'.

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 13:18

Mambaal Io baal raginio amon gumagaya' kau ra susuban Nano ondo' tinaakan ku noyo ramuyun ra orou raiti', am mambaal kau ra atan ondo' kasagaan Nano.”