SAGULION 7:25 - Tanou Moonsoi Timugon

²⁵ Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

SAGULION 7:25 ပူးပေါင်းရင်းမြစ်များ

2 RAJA'-RAJA' 23:14

Nomopol Raja' Josia ra tatandu' ondo' timpokon ra Dewi Asyira, am nangumok ra lugu'-lugu' batu, am namumpun ra tana' no ra bungul-bungul ru ulun.

1 TUNUNG RU BANSA' ISRAIL 14:12

Paat ra saujor ru Palistin nagigiru', iniruanan nilo sinungkalalaing sambaan nilono. Nanusub Raja' Daut koson monolob ra sinungkalalaing raginio.

KAINGKUALAN 20:17

“Pai' kalaai ra ondo' tagamin ru bokon: baloi nano, andu' nano, ulipon nano, bibiag tinambiag nano, kaladai nano kapoam atan pana soroi riso no.”

KAINGKUALAN 32:20

Alapo' ri Musa sinungkalalaing ru sapi' intor ra mas ondo' binaal nilono, am luwo' am tutuo' saboi naumok, lauki' no boo ra timug. Susubo' boo ri Musa ulun ru Israil manginum ra timug no.

KAINGKUALAN 8:26

Kaa' taam i Musa, “Kalo makapambaal akai ra ngaangai' raginio, sabap ra manginalu ulun ru Misir paat ra makakito ramon mapataak ra bibiag koson taak simbalui ra Tuhan i Aki Kapuuno' mai. Amon ru mamakai akai ra bibiag ondo' maparuol ra guang nilo, bobolon nilo akai ra batu saboi matoi.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 41:24

Akau am binaal mino kolondo' atan-atan arati'; ulun sumamba ramuyun mampajaka' ayuk.

IMAMAT 13:52

Musiti' kuliamos no solobon ru imam sabap kulapuk no salinut ondo' gumaai am musiti' solobon.

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

JIPANYA 1:3

ngaangai' ulun am bibiag, makaaya' susuit am papait. Kalaan Ku ulun malaat. Pusoon Ku ngaangai' ulun; kolondo' sangulun pana polosoon Ku maayag. Aku, Tuhan nakaindagu noyo.

SAGULION 12:3

Puuto' altar nilo am popolo' lugu'-lugu' batu karamat. Solobo' tatandu' ru Dewi Asyira am popolo' sinungkalalaing nilo, maa' raginio ngaangai' no kalo boo sambaan giu' ra intok raginio.

SAGULION 13:16

Timungo' noyo ngaangai' rapu' ru mamagun ru bandar raginio am pabantaa' ngaangai' no giu' ra padang ru bandar. Solobo' boo bandar raginio am ngaangai' soroi ra ralalom no koson ra taak ra Tuhan i Aki Kapuuno' min. Bandar raginio musiti' polosoon masauk ra nangatuyas ra sabuoi-buoi no, am lingon kalo baalon saguli'.

SAGULION 17:1

“Pai' papataak ra sapi' kapoam domba ondo' najamaran ra Tuhan i Aki Kapuuno' min; masisang Tuhan ra baal raginio.

SAGULION 23:18

Ruit ondo' moowot ra ralan ragitio kalo iowon ibiton ra ralalom Baloi ru Tuhan i Aki Kapuuno' min koson manugut ra nazar. Mantatalan ra inan giu' ra kuil ru sinungkalalaing kasisangin ru Tuhan.

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.

SAGULION 7:5

Ginio ra puuto' min altar ru bansa'-bansa' raginio, popolo' min lugu' batu karamat, tuntuaro' noyo tatandu' ru Dewi Asyira am solobo' sinungkalalaing nilono.

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 7:21

Kakito ku rondo' sukub ondo' moonsoi binaal ru Babilonia, pirok ra bagat no maar ruo ngakilogram, am santaun mas ondo' bagat no satanga kilogram intor ra ngaangai' kuliamos ginaau no. Malaai aku kaga' ra kuliamos raginio saboi inalap ku. Kuliamos raginio natanom ra tana' giu' ralalom ru kim kuno; pirok no nakaralalom toojo.”

PINAINTALANG 17:5

Rabas nano tinulisan ra inggalan ondo' arati' nano kalo mapandayan ru ulun: Inggalan no am, “I Babil ondo' maayo, ina' ru ngaangai' mantatalan ra inan am ulun homoseks am lesbian.”