SAGULION 7:23 - Tanou Moonsoi Timugon

²³ Pataakon ru Tuhan ramuyun pantula', am mangkinibit Io risilo magalabo saboi pusoon ilo.

SAGULION 7:23 ပူးပေါင်းရင်းမြစ်များ

KAINGKUALAN 23:27

“Saukon Ku bansa' ondo' manggal ramuyun malaa' Raki'. Maparatong Aku ra kaubangan ra bansa' gulaan mino, am mangkinibit Aku ra ngaangai' pantula' tumalikur am magiru' intor ramuyun.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JIRIMIA 17:18

Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

SAGULION 2:15

Nararayus Tuhan giminula' risilo saboi pupus no napuso ilo ngaangai'.

SAGULION 31:5

Tuhan manaak ramuyun ra kamanangan intor risilo. Pamakuan min risilo musiti' no motopot koson ra rinagu ku noyo ramuyun.

SAGULION 8:20

Amon kalo gumagaya' kau ra Tuhan, am pusoon kau koson ra bansa'-bansa' ondo' pinuso Nano paat akau jiminalai.”

SAGULION 9:3

Kaa' raino nakito min galama' ra Tuhan i Aki Kapuuno' min nagulu ramuyun koson ra apui ondo' mapaang. Kalaan No ilo liliwa' akau jumalai, maa' raginio makapapagiru' kau am mamuso risilo ra mataki', koson ondo' binantu' Nali.

2 TISALONIKA 1:9

Ukumin ilo ra kapatayan mantilayun, pasuayon ilo intor ra Tuhan am intor ra kuasa' matulai Nano.

JOSUA 10:10

Nangkinibit Tuhan ra ulun ru Amori magalabo paat nakakito ra saujor ru Israil. Namatoi ulun ru Israil risilo giu' ra Gibion am nangilou ra pantula' ondo' lakat poyo naayag, mongoi ra pipilon ru gunung giu' ra Bit-Oron saboi ra Ajika am Makida giu' ra rabugus.

TINGGANAI RU BANSA' 4:15

Paat i Barak am saujor nano namulunsar ri Sisira, napaubong Tuhan ri Sisira nabaya' ra ngaangai' saujor am kurita' kuda nano. Tuun i Sisira intor ra kurita' kuda nano, am pagiru'.