SAGULION 7:21 - Tanou Moonsoi Timugon

²¹ Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

SAGULION 7:21 ပူးပေါင်းရင်းမြစ်များ

2 TUNUNG RU BANSA' ISRAIL 32:8

Raja' ru Asyur mokoondo' ra kuasa' ru ulun, kaa' itakau mokoondo' ra Tuhan, i Aki Kapuuno' takau, ondo' mangindangan am mangayou ra bala takau.” Mamagun naunsu' ru ragu ru raja' nilo.

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

NIGIMIA 4:14

Pakakito aku ra mangalaa' mamagun, indagu aku risilo, tingganai-tingganai am pagawai-pagawai nilo, “Pai' kalaa' ra pantula'. Karaa' mumpara' gayo am kinatulai ru Tuhan takau, am ingkotog kano gumula' tayar ru pabukat-pabukat min, anak andu' min am baloi-baloi min.”

NIGIMIA 9:32

“Iou i Aki Kapuuno', i Aki Kapuuno' mai ondo' maayo! I Aki Kapuuno' ondo' makakuasa' am matulai! Nabaya' ra gagaya' sinugut Mu ngaangai' nabantuan. Intor ra raja'-raja' ru Asyur nangimbolo' ramon, saboi raino kaimbalaan ondo' mailian mai maagat kaga'. Raja'-raja', tingganai-tingganai, imam-imam am nabi-nabi mai, kinamatuaan am ngaangai' ulun naimbolo' noyo. Karaa' noyo, iou Aki Kapuuno', mapara' poros ru kaimbalaan mai.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:5

Mokoondo' santaun sungoi ondo' mapabansuk ra bandar ri Aki Kapuuno', intokon ri Aki Kapuuno' Ondo' Masawat Kaga'.

MAZMUR 46:6

I Aki Kapuuno' minayan ra giu' no, bandar ra kalo pusoon; bulintok ra lakat poyo susuab, matong Io mangindangan riso.

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

MAZMUR 47:2

Pagitapap kau, akau ngaangai' bansa'! Omporo' i Aki Kapuuno' ra rimbai ondo' mapuor am mapabansuk!

MAZMUR 68:35

Apuo' noyo kuasa' ri Aki Kapuuno'; titikop ru Israil Io namarinta, makito kuasa' Nano giu' ra limbowon.

MAZMUR 89:8

Urumaton Kou bulintok ra ulun-ulun matulai mantitimung, am kalaanin toojo ru ngaangai' ondo' nakalibung Rirun.

MAZMUR 95:3

Tuhan raginio noyo i Aki Kapuuno' ondo' mangunguasa', raja' maikang ondo' mangunguasa' ra ngaangai' dewa.

KAINGKUALAN 29:45

Mayan Aku sumimpung ra ulun ru Israil, am masauk Aku ri Aki Kapuuno' nilo.

DANIL 9:4

Pakiasi' aku ra Tuhan, i Aki Kapuuno' kuno, am nangiou ra tula ru bansa' kuno ra saang Nano. Indagu aku, “Iou Tuhan, i Aki Kapuuno', Okou maayo, am mangurumat akai Rirun. Manugut Kou ra nabantuan Muno, am magail Kou motogom ra ulun ondo' motogom Rirun am ondo' gumagaya' ra susuban Muno.

UNTABAN 14:14

mambala' ilo ra baal raginio ra mamagun ru tana' ragitio, am nokorongog ilo noyo ra Okou, Tuhan, mabaya' ramon. Naining nilo ra minintalang Kou paat ra muog gaun Muno ra rasawat mai, am ra mugar Kou giu' ra saang mai ralalom lugu' ru gaun paat ra matawang, am ralalom lugu' ru apui paat ra rondom.

UNTABAN 14:42

Pai' noyo ongoi, sabap ra Tuhan kalo mabaya' ramuyun. Kalaan kau ru pantula' mino.

UNTABAN 14:9

Pai' guor ra Tuhan, am pai' kalaa' ra mamagun ru tana' raginio. Makapangala takau risilo ra maluoi. Tuhan mabaya' ritakau, am nakapangala Io noyo ra mangampin risilo; ginio ra pai' no kalaa'.”

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

UNTABAN 21:34

Indagu Tuhan ri Musa, “Pai' kalaa' riso. Manaak Aku rirun ra kamanangan. Maala mu raja' raginio, ngaangai' mamagun nano, am mampagaau ra tana' am niayuk pagun raginio. Pamakuan ra raja' raginio koson ra pinamakuan muno ra Raja' Sigon, raja' Amori ondo' namarinta giu' ra Gisybon.”

UNTABAN 23:21

Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

UNTABAN 9:20

Sanganuan no soroi gaun no giu' ra rasawat ru Kim ru Tuhan ra kukula' ngoorou ayuk. Kabalu' pana raginio, susuban ru Tuhan ayuk mangaru' ru mayan ilo ra rondo' intok kapoam manding.

1 KORINTUS 14:25

Ginio boo ra atan ondo' soroi ra guang nano makasalula', saboi sumamba io ri Aki Kapuuno' mabaya' ra guang minggana' am mangiou ra, “I Aki Kapuuno' topot-topot soroi ramuyun.”

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

SAGULION 20:1

“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

SAGULION 25:8

Tingganai-tingganai ru bandar no pana musiti' boo mampiau ra ulun no am mindagu riso. Amon ru lakat poyo marara' io maguot ra napuor no,

SAGULION 31:17

Paat baal raginio masauk, sumangit Aku risilo. Mangiruan Aku risilo am mapuso ilo. Masuang karaat makalumpa' risilo; am makaliman ilo boo ra ngaangai' no masauk risilo sabap Aku, i Aki Kapuuno' nilo, kalo boo mabaya' risilo.

JOSUA 3:10

Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min

JOSUA 8:1

Indagu Tuhan ri Josua, “Ibito' noyo ngaangai' saujor am ongoi ra bandar Ai. Pai' kalaa' kapoam mapalo guang. Taakin Ku ramuyun kamanangan ra raja' Ai; mamagun, bandar am tana' nano masauk ra akau tatangan.

1 SAMUIL 4:8

Osoi kinua' makapamayag ritakau intor ra dewa-dewa ondo' maikang no? Dewa-dewa raginio noyo ondo' nakapamuso ra ulun ru Misir giu' ra tana' kaagisan ragili.