SAGULION 7:19 - Tanou Moonsoi Timugon

¹⁹ Karaa' noyo karaat makalalaa' ondo' nakito min ra mato galama', kaimuagan am tatandu', am niayuk kuasa' maayo am kinapanggol ondo' pinakai ru Tuhan i Aki Kapuuno' min koson mapalabus ramuyun. Koson ra Io namuso ra ulun ru Misir ra galing i, koson niayuk raginio io mamuso ra ngaangai' bansa' ondo' kalaanin min raino.

SAGULION 7:19 ပူးပေါင်းရင်းမြစ်များ

MAZMUR 136:12

Ngaangai' no binaal ru kalindu' Nano ondo' maikang kaga'; togom Nano mantilayun.

MAZMUR 44:4

Kalo maalap nilo kakuasa' pagun ti ra ilang; kalo mamanang ilo ra kuasa' nilo galama', kaa' ra kuasa' am kaikangan am niayuk ratangan Muno, sabap ra Okou mangiou ra ulun Muno.

MAZMUR 77:12

Karaan ku atan ondo' binaal Muno ra maayo, iou Tuhan. Karaan ku kaimuagan ondo' binaal Muno ra galing i.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

SAGULION 29:3

Nakito min noyo maruol tumapik ondo' makalalaa', kaimuagan am baal makaimuag ondo' binaal ru Tuhan.

SAGULION 3:21

Indagu aku boo ri Josua, ‘Nakito mu noyo ngaangai' ondo' binaal ru Tuhan i Aki Kapuuno' muno ra Raja' Sigon am Raja' Og, ruo ngaulun raja' no; baalon Nano nogondo' ra moonong raja' ondo' pagun no bulunsaron muno.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

JOSUA 10:25

Kopongo raginio indagu i Josua ra panglima-panglima nano, “Pai' kalaa' kapoam mapalo guang. Musiti' kau mangintopot am baani sabap gitio noyo ondo' baalon ru Tuhan ra ngaangai' pantula' min.”

JOSUA 24:17

Tuhan i Aki Kapuuno' takau napalabus noyo ra kinamatuaan takau am itakau galama' intor ra pangulipanan giu' ra Misir, am nakatainu takau noyo ra kaimuagan-kaimuagan ondo' binaal Nano. Nangampin Io ritakau ralalom ngaangai' pangkiralanan takau nansail ra pagun-pagun ru bansa' ra bokon.

JOSUA 3:10

Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min