SAGULION 7:13 - Tanou Moonsoi Timugon

¹³ Motogom am mambarakat Io ramuyun, maa' raginio rumuang kau am makaalap kau ra masuang anak. Mambarakat Io ra umo min maa' raginio kaulian kau ra gandum, wain am umau jaitun. Mambarakat Io ramuyun am manaak ramuyun ra masuang bibiag tinambiag am domba. Manaak Io ramuyun ra ngaangai' barakat ti giu' ra tana' ondo' binantu' Nano ramuyun, sumugut ra bantu' Nano ra kinamatuaan min.

SAGULION 7:13 ပူးပေါင်းရင်းမြစ်များ

NIGIMIA 9:32

“Iou i Aki Kapuuno', i Aki Kapuuno' mai ondo' maayo! I Aki Kapuuno' ondo' makakuasa' am matulai! Nabaya' ra gagaya' sinugut Mu ngaangai' nabantuan. Intor ra raja'-raja' ru Asyur nangimbolo' ramon, saboi raino kaimbalaan ondo' mailian mai maagat kaga'. Raja'-raja', tingganai-tingganai, imam-imam am nabi-nabi mai, kinamatuaan am ngaangai' ulun naimbolo' noyo. Karaa' noyo, iou Aki Kapuuno', mapara' poros ru kaimbalaan mai.

AYUP 1:10

Masalok Kou manindung riso am sasambaloi nano am ngaangai' longgom nano. Suguton Mu ngaangai' kandoi piroton nano, am mangani' Kou riso ra masuang bibiag tinambiag saboi namapak ra titikop ru pagun.

AYUP 42:12

Nambarakat Tuhan ri Ayup ra masuang poyo kaga' paat ra pupus ru kaayagan nano intor ra paat ra io kalo poyo naimbolo'. Mokoondo' i Ayup ra 14,000 ngainan domba, 6,000 ngainan unta, 2,000 ngainan sapi', am 1,000 ngainan kaladai.

MAZMUR 1:3

Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

MAZMUR 107:38

Inasian No ulun Nano ra anak masuang, am magalung ra tambiag nilo saboi mansasayat.

MAZMUR 11:7

Tuhan noyo matimpok am monogom ra ulun ondo' moonsoi binaal; ulun moonsoi guang makakito am makaulig Riso.

MAZMUR 127:3

Anak-anak iono pinataak ru Tuhan; sotopot no ilo tangguang.

MAZMUR 146:8

am ulun nobolou mato pinali' No. Pinaikang No ulun malawo guang; tagamin No ulun ra gumagaya' Riso.

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

AMSAL 15:9

Masisang Tuhan ra ralan kaayagan ru ulun maanggal-anggal, kaa' tagamin No ulun ondo' gumogot mambaal ra kasagaan Nano.

IMAMAT 26:9

Mambarakat Aku ramuyun am manaak ramuyun ra masuang anak. Suguton Ku nabantuan ondo' binaal Kuno ramuyun.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

JUANIS 14:21

Osoi ayuk mangapu am sumugut ra pansusuban Kuno, io no ondo' motogom Raki'. Am osoi ayuk motogom Raki' tagamin io ru Ama' Kuno, am Aku pana motogom riso am paintalangon Ku riso osoi Aku sotopot no.”

JUANIS 15:10

Amon ru gumagaya' kau ra panusuban Kuno, rumondon kau ra togom Kuno. Ginio mogondo' ra Aku gumagaya' ra panusuban ri Ama', am rumondon Aku ra togom Nano.

JUANIS 16:27

sabap ri Ama' galama' motogom ramuyun. Motogom Io ramuyun sabap ra motogom kau Raki' am mangintopot kau ra minatong Aku intor Riso.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 28:1

“Amon ru gumagaya' kau ra Tuhan i Aki Kapuuno' min, am totopot mambaal ra ngaangai' panusuban Nano ondo' taakin kuno ramuyun ra orou raiti', am Io pana mapasauk ramuyun ra bansa' ondo' mauligan kaga' ra tana'.

SAGULION 28:11

Tuhan manaak ramuyun ra masuang anak. Bibiag tinambiag min sumuang, am ampos ru tatanom min maulian giu' ra tana' ondo' binantu' ru Tuhan ra kinamatuaan min koson pataakon ramuyun.

SAGULION 30:5

Ginio ra akau tatangan saguli' ra tana' ondo' inayanan ru kinamatuaan min ragili. Io mampasauk ramuyun ra langkaya' poyo am masuang kau poyo intor ra kinamatuaan min.

SAGULION 7:7

“Motogom Tuhan ramuyun, am nampili' ramuyun sala' ka ra masuang kau poyo intor ra bansa'-bansa' ra bokon; sotopot no bansa' mino ondo' boborok kaga' ra tana' ti.