SAGULION 6:6 - Tanou Moonsoi Timugon

⁶ Pai' lingonon liliani' ukum ondo' taakin kuno ramuyun ra orou raiti'.

SAGULION 6:6 ပူးပေါင်းရင်းမြစ်များ

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

2 SAMUIL 22:23

Giminagaya' aku ra ngaangai' ru ukum Nano; kalo igondo' aku anggal ra susuban Nano.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 119:13

Tunungon ku ngaangai' ukum ra pinataak Muli.

MAZMUR 119:30

Ralan pinili' kuno gumagaya' Rirun, am mampaguang toojo ra panusuban inatang Muno.

MAZMUR 119:98

Panusuban Muno mabaya' raki', ondo' mapasauk raki' mapintar poyo ka ilo pantula' kuno.

MAZMUR 37:31

Buliin nilo Ukum ri Aki Kapuuno' ralalom ru guang am kalo makalisang intor riso.

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

AMSAL 3:5

Pangintopot kono ra Tuhan ra sotopot-topot ru guang muno. Pai' kou lansan ra pangaratian muno galama'.

AMSAL 7:3

Guuto' noyo pangilaan kuno ra moonong bulintok am bulii' ralalom ru guang muno.

JISAYA 51:7

“Rongogo' Aku, akau bansa' Kuno, makapandai kau ra atan motopot, pangilaan Kuno nakauli ra ralalom ru guang mino. Pai' kalaa' amon asabin kau ru ulun, pai' pagalabo amon magasab ilo ramuyun.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

LUKAS 2:51

Kopongo ragili, saguli' i Jisus baya' ra matuo Nano ra Nasarit am gumagaya' risilo. Nampaguang ina' Nano ra ngaangai' raginio.

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

SAGULION 11:18

Karaa' noyo am ilai' ukum-ukum raginio. Pobongkoso' ukum raginio ra kalindu' am rabas min koson ra pangkaraan.

SAGULION 11:20

Tulisi' noyo ukum raginio ra lugu' ru kulobon ru baloi am ra kulobon ru garabang min.

SAGULION 32:46

indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

2 JUANIS 1:2

Katapatan minayan ralalom ru guang takau am tumilayun io sumimpung ritakau ra sabuoi-buoi no.