SAGULION 6:24 - Tanou Moonsoi Timugon

²⁴ Kopongo raginio Tuhan i Aki Kapuuno' takau nanusub ritakau ra gumagaya' ra ngaangai' ukum raginio, am koson mangurumat riso. Amon ru baalon takau koson raginio, magail Io magalung ra bansa' takau am mapasauk raginio ra langkaya'.

SAGULION 6:24 ပူးပေါင်းရင်းမြစ်များ

MAZMUR 41:2

Pakaansuk noyo ulun ondo' makaasi' risilo ondo' kolondo' lulu'; indanganon ilo ru Tuhan, paat ra ilo mokoowot ra kapaganan.

MAZMUR 41:3

Sindungin am alungin ilo ru Tuhan, bansukon ilo ru Tuhan ra pagun ti; kalo pataakon ilo ru Tuhan ra pantula'.

MAZMUR 66:9

Inalungan No akai maa' raginio kalo imboloon akai, am kalo polosoon No akai kalaan.

KAINGKUALAN 20:20

Taam i Musa, “Pai' kalaa'; i Aki Kapuuno' matong koson mangkinam ayuk ramuyun, maa' raginio rumayus kau gumagaya' Riso am maa' raginio kalo makatula kau.”

AMSAL 22:4

Ulun mangurumat am malaa' ra Tuhan, am niayuk minggana' guang mokoowot io ra kalangkayaan, urumaton, am maawar umur.

AMSAL 9:12

Okou galama' mokoonong amon ru mapintar kou. Kaa' amon ru mapintar no tuliarin mu, okou galama' niayuk kolondo' onong.

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

LUKAS 10:28

Indagu i Jisus riso, “Motopot taam muno. Baalo' noyo ginio, am maayag kou.”

ROMA 10:5

Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.”

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:4

kaa' akau ondo' magulayun giminagaya' ra Tuhan i Aki Kapuuno' min lakat poyo naayag saboi orou raiti'.

SAGULION 6:2

Buoi ru bayag, musiti' akau am papag min mangurumat ra Tuhan i Aki Kapuuno' min am gumagaya' ra ngaangai' ukum Nano ondo' taakin kuno ramuyun, maa' raginio maawar painawo min giu' ra tana' raginio.

SAGULION 6:23

Napalabus Tuhan ritakau intor ra Misir koson nagibit ritakau mongoi ragiti, am nanaak ritakau ra tana' ragitio koson ondo' binantu' Nano ra kinamatuaan takali.

SAGULION 8:1

“Gagayaa' noyo ra totopot ngaangai' ukum ondo' pataakon kuno ramuyun ra orou raiti', maa' raginio marayus kau maayag am rumuang suang mino, am makaayan ra tana' ondo' binantu' ru Tuhan ra kinamatuaan min.

SAGULION 8:3

Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.