SAGULION 6:21 - Tanou Moonsoi Timugon

²¹ Balain ilo boo, ‘Galing i ulipon takau ru raja' ru Misir, kaa' napalabus Tuhan ritakau ra kuasa' Nano ondo' maayo.

SAGULION 6:21 ပူးပေါင်းရင်းမြစ်များ

KASAUKAN 19:16

Maimamang i Lot. Kaa' makaasi' Tuhan riso, ginio ra kitango' ru karuo ngaulun tambului no i Lot, andu' nano am karuruo anak nano mingkual intor ra bandar no.

MAZMUR 78:7

Koson raginio malansan ilo ri Aki Kapuuno', am kalo mampalilian ra binaal Nali, kaa' masalok gumagaya' ra panusuban Nano.

KAINGKUALAN 13:14

Paat ra orou matong, paat ra mangkuot anak ungkuyon mino ra arati' ru ngaangai' ti, musiti' min taamon koson ragitio, ‘Ralalom ru kuasa' ondo' maayo, inibit takau ru Tuhan miningkual intor ra Misir, intok itakau inulipon.

KAINGKUALAN 13:16

Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas takau, koson mapakara' ritakau ra inibit takau ru Tuhan mingkual intor ra Misir ralalom ru kuasa' Nano ondo' maayo.’ ”

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 13:9

Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas mino, koson mapakara' ramuyun ra musiti' kau marayus-rayus mindagu am mintutun ra Ukum ru Tuhan, sabap ra nagibit noyo Tuhan ramuyun miningkual intor ra Misir ralalom ru kuasa' Nano ra maayo.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 3:19

Nakapandai Aku ra raja' ru Misir kalo mapaugar ramuyun, ondo' ayuk am ru jajalin io mambaal raginio.

JISAYA 51:1

Tuhan mindagu, “Rongogo' Aku no, akau ondo' masaga' bayagon am ratong kano Raki' makiindangan. Karaan noyo gunung batu intor min natulisan, am pangkalian ra batu intor min nakali.

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.

SAGULION 5:6

‘Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok akau sinauk ra ulipon.

SAGULION 6:20

“Paat ra orou matong, mangkuot anak-anak min, ‘Kua ra Tuhan i Aki Kapuuno' takau nanusub ritakau koson gumagaya' ra ngaangai' ukum no?’

SAGULION 6:22

Akai galama' nakakito Riso nambaal ra kaimuagan am baal ondo' napakalalaa' ra ulun ru Misir, raja' nilo am ngaangai' pagawai ru raja'.