SAGULION 6:18 - Tanou Moonsoi Timugon

¹⁸ Baalo' noyo atan ondo' moonsoi am matanda' ra pagilangan ru Tuhan, am makakaansayan kau. Akau tatangan ra tana' ondo' malabung, ondo' binantu' noyo ru Tuhan ra kinamatuaan mini,

SAGULION 6:18 ပူးပေါင်းရင်းမြစ်များ

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

SAGULION 12:25

Amon gumagaya' kau ra ukum raginio, maansayan Tuhan ramuyun, am akau am niayuk papag min makakaansayan.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

JUANIS 8:29

Io ondo' nanusub Raki' i masalok mabaya' Raki'; kalo pinaluur No Aku, sabap ra masalok Aku sumugut ra kasagaan Nano.”

YEHEZKIEL 33:19

Paat ra ulun malaat lumonggo' mambaal ra tula am mambaal ra atan ondo' moonsoi am motopot, maayag ilo.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

YEHEZKIEL 33:16

Ampunon Ku tula-tula ondo' binaal nilo, am maayag ilo sabap ra nambaal ra atan ondo' moonsoi am motopot.

YEHEZKIEL 33:14

Maaru' lair nampakara' Aku ra ulun malaat ra matoi ilo. Kaa' amon ru lumonggo' ilo mambaal ra tula am mambaal ra atan ondo' moonsoi am motopot –

YEHEZKIEL 18:27

Paat ra sangulun malaat lumonggo' mambaal ra tula, am tumalimpuun mambaal ra matimpok am moonsoi, namayag ulun no ra kaayagan nano.

YEHEZKIEL 18:21

“Amon ru sangulun malaat lumonggo' mambaal ra tula, am tumalimpuun gumagaya' ra ukum Kuno, am niayuk mambaal ra ondo' motopot am moonsoi, kalo matoi io. Maaru' maayag io.

YEHEZKIEL 18:5

“Amon ru mokoondo' lair sangulun ondo' totopot moonsoi, matimpok am mabanis guang.

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

MAZMUR 19:11

Sonor ru pampaguangan ru Tuhan mologo poyo intor ra mas kopoyo, am matamis poyo intor ra ruu' ru maningot.

SAGULION 13:18

Mambaal Io baal raginio amon gumagaya' kau ra susuban Nano ondo' tinaakan ku noyo ramuyun ra orou raiti', am mambaal kau ra atan ondo' kasagaan Nano.”

SAGULION 12:28

Ngaangai' baal ondo' nanusuban ku noyo ramuyun musiti' gagayaan ra matanda'. Ginio ra akau am papag min makakaansayan ra sabuoi-buoi no, sabap ra mambaal kau ra atan ondo' motopot am mapabansuk ra Tuhan i Aki Kapuuno' min.”

SAGULION 8:11

“Tutuno' noyo maa' raginio kalo lilianin min Tuhan i Aki Kapuuno' min. Pai' kaliliani' gumagaya' ra rondo' ukum pana ondo' taakin kuno ramuyun ra orou raiti'.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

YEHEZKIEL 18:19

“Maaru' mangkuot kau kua ra anak no kalo nakinibitan intor ra tula ru ama' nano. Taaman nano iono anak no nambaal ra matimpok am moonsoi. Giminagaya' io ra ukum Kuno am binaal no ra matanda'. Ginio ra maaru' maayag io.

SAGULION 6:19

am mapagiru' kau ra pantula' koson ondo' binantu' Nano.

JISAYA 38:3

“Karaa' noyo, iou Tuhan, aku ti mangandoi ayuk Rirun, gumagaya' am sumugut, am masalok aku mompogogot koson mambaal ra kasagaan Muno.” Raja' pana nantangi' am mangiluk guang.

SAGULION 6:10

“Nambantu' noyo Tuhan i Aki Kapuuno' min ra kinamatuaan min i Abragam, i Isak am i Jakub ra manaak Io ramuyun ra tana' ondo' mokoondo' ra bandar mangaayo am langkaya', ondo' kalo baalon min.