SAGULION 6:13 - Tanou Moonsoi Timugon

¹³ Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

SAGULION 6:13 ပူးပေါင်းရင်းမြစ်များ

LUKAS 4:8

Taam i Jisus, “Tinulisan noyo ralalom Buuk Kitab, ‘I Aki Kapuuno' ayuk sambaan muno am mangandoi ayuk Riso!’ ”

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 13:4

Baya' noyo ra Tuhan am urumato' noyo Io. Gagayaa' noyo Io am suguto' noyo susuban Riso; samba noyo Riso am mintopot Riso.

IMAMAT 19:12

“Pai' pabantu' ralalom inggalan Kuno amon ru makaguang kau kalo manugut ra bantu' no. Baal raginio magasab ra inggalan Kuno. Aku noyo Tuhan i Aki Kapuuno' min.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JISAYA 65:16

Osoi-osoi ondo' mayan ra pagun raginio, am ondo' makibarakat makitaak ra barakat ri Aki Kapuuno' ondo' mampagagaya'. Osoi-osoi magibot, magibot ilo ralalom ru inggalan ri Aki Kapuuno' ondo' mampagagaya'. Sabap no kaimbalaan ra galing i natatak am linilianan.”

JISAYA 45:23

Bantu' Kuno motopot, am kalo masulang. Aku galama' mipapator ralalom ru inggalan Kuno: Moonong ulun migulatur ra saang Kuno, am ralalom ragu nilo sigagama' mambaal ra bantu' koson gumagaya' Raki'.

MAZMUR 63:11

potoyon ilo bulintok ra mangayou, am baangkai nilono akanon ru taani.

SAGULION 10:12

“Raino ulun ru Israil kau ngai', rongogo' noyo pulion ru Tuhan i Aki Kapuuno' min intor ramuyun: Urumato' noyo Tuhan am baalo' ngaangai' susuban Nano. Tagami' noyo Io am pangandoi noyo Riso ayuk ra sotopot ru guang;

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JOSUA 2:12

Raino pagibot no ralalom inggalan ru Tuhan ra moonsoi pamakuan min ra sasambaloi kuno koson ra moonsoi pamakuan kuno ramuyun. Anii' aku ra rondo' tatandu' ra maintopot maa' raginio mangintopot aku ramuyun.

MAZMUR 15:4

ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

SAGULION 6:2

Buoi ru bayag, musiti' akau am papag min mangurumat ra Tuhan i Aki Kapuuno' min am gumagaya' ra ngaangai' ukum Nano ondo' taakin kuno ramuyun, maa' raginio maawar painawo min giu' ra tana' raginio.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

JIRIMIA 5:7

Indagu Tuhan, “Kua kia musiti' Aku mangampun ra tula ru ulun Kuno? Nangiruan ilo Raki' am sumamba ra tuhan ondo' kalo motopot. Aniin Ku ulun Kuno ra akanon saboi ilo maasug, kaa' nansawa' ilo am minongoi ra baloi ru ulun mantalan ra inan.

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

MATIUS 5:33

“Maaru' nokorongog kau ondo' pinabala' ra kinamatuaan takali: ‘Pai' lungkang ra bantu' mino, kaa' suguto' noyo ondo' inibot min ra saang ru Tuhan.’

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

SAGULION 5:11

‘Pai' sabito' inggalan Kuno ra kuayan ondo' malaat sabap Aku Tuhan i Aki Kapuuno' min, mangukum ra osoi ayuk ondo' mampajajou ra inggalan Kuno.

JOSUA 23:7

Koson raginio noyo kalo makalatok kau ra bansa' ondo' lakat poyo soroi ra gino ngai' min; kalo manabit kau ra inggalan ru dewa-dewa nilo am kalo mamakai ra inggalan raginio ra magibot; kalo sumambayang kau kapoam sumamba ra dewa-dewa no.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”

1 SAMUIL 20:3

Taam i Daut, “Nakapandai ama' muno ra motogom kou kaga' raki'. Ginio ra kalo nambala' ama' muno rirun ra atan ondo' inatang nano, maa' raginio kalo mangiluk guang muno. Magibot aku ralalom inggalan ru Tuhan ondo' naayag ra sotopot no kaayagan kutu matikapulir ra kapatayan!”

2 RAJA'-RAJA' 17:36

Gagaya' kano Raki', Tuhan ondo' nagibit ramuyun miningkual intor ra Misir ra kuasa' am kaikangan ondo' maayo; igulatur kano am pampataak ra taak simbalui Raki'.

JISAYA 48:1

Rongogo' noyo baal ragitio, akau ulun ru Israil, papag ri Jiuda, nampator kau ralalom inggalan ru Tuhan am mangiou sumamba ri Aki Kapuuno' ru Israil, kaa' ragu-ragu mino kalo motopot.

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

SAGULION 13:5

Kaa' potoyo' noyo nabi kapoam mambala' ra inupi ondo' nanusub ramuyun gumuor ra Tuhan ondo' namayag ramuyun intor ra Misir, intok min inulipon ragili. Ulun koson raginio malaat am kuminam mapalayau ramuyun intor ra kaayagan ondo' mapabansuk ra guang ru Tuhan. Musiti' potoyon ulun no, maa' raginio mairu' kalaatan intor ra gino ngai' min.

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.