SAGULION 6:11 - Tanou Moonsoi Timugon

¹¹ Baloi ra giu' no nototop ra kuliamos mongoonsoi, ondo' kalo binulian min. Mokoondo' niayuk tulubong-tulubong ondo' kalo kinali min, am niayuk umo ru anggur am umo ru jaitun ondo' kalo tinanom min. Paat ra magibit Tuhan ramuyun mongoi ra tana' raginio am mokoondo' kau ra ngaangai' ondo' tiakanon min,

SAGULION 6:11 ပူးပေါင်းရင်းမြစ်များ

NIGIMIA 9:25

Ulun Muno nampagaau ra bandar-bandar ondo' mokoondo' ra kubu, tana' ondo' malabung, am baloi-baloi ondo' nososok ra rapu', tulubong ondo' kinali noyo, puun ru jaitun, puun ru kikinawa' am niayuk umo ru anggur. Nalabaan ilo ra akanon saboi mongolomok; nakasia' ilo ra ngaangai' taak Muno ondo' moonsoi.

MAZMUR 105:44

Pinataak No pagun ru ulun bansa' ru bokon no risilo, am umo-umo nilo sinauk ra longgom ru ulun Nano,

SAGULION 11:15

am sakot tayar ru bibiag tinambiag min. Makaalap kau ra ngaangai' akanon ondo' kasagaan min.

SAGULION 14:29

Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”

SAGULION 19:1

“Mopongo Tuhan i Aki Kapuuno' min mamuso ra bansa'-bansa', manaak Io ramuyun ra tana' nilo. Mopongo magaau min bandar-bandar am baloi nilo am niayuk mayan ra giu' no,

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

JOSUA 24:13

Nanaak Aku ramuyun ra pagun ondo' kalo nakandoi min am bandar-bandar ondo' kalo tinirong min. Raino minayan kau ra pagun no am mangakan ra kawa' ru anggur am jaitun intor ra puun-puun ondo' kalo tinanom min.’ ”

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.