SAGULION 6:10 - Tanou Moonsoi Timugon

¹⁰ “Nambantu' noyo Tuhan i Aki Kapuuno' min ra kinamatuaan min i Abragam, i Isak am i Jakub ra manaak Io ramuyun ra tana' ondo' mokoondo' ra bandar mangaayo am langkaya', ondo' kalo baalon min.

SAGULION 6:10 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

NIGIMIA 9:25

Ulun Muno nampagaau ra bandar-bandar ondo' mokoondo' ra kubu, tana' ondo' malabung, am baloi-baloi ondo' nososok ra rapu', tulubong ondo' kinali noyo, puun ru jaitun, puun ru kikinawa' am niayuk umo ru anggur. Nalabaan ilo ra akanon saboi mongolomok; nakasia' ilo ra ngaangai' taak Muno ondo' moonsoi.

MAZMUR 105:44

Pinataak No pagun ru ulun bansa' ru bokon no risilo, am umo-umo nilo sinauk ra longgom ru ulun Nano,

MAZMUR 78:55

Bulintok ra ulun Nano nakasuku' ininggalaran No namagun no, am tatayaro' no pagun no ra ngaangai' ru bansa' ru Israil, am intok ru pantula' pinataak No ra ulun Nano.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 19:1

“Mopongo Tuhan i Aki Kapuuno' min mamuso ra bansa'-bansa', manaak Io ramuyun ra tana' nilo. Mopongo magaau min bandar-bandar am baloi nilo am niayuk mayan ra giu' no,

SAGULION 31:20

Magibit Aku risilo ra tana' ondo' langkaya' am malabung no koson ondo' binantu' Ku noyo ra kinamatuaan nilo. Giu' no makaalap ilo ra akanon ondo' pakuan nilo am matasu' kaayagan. Kaa' tumalikur ilo intor Raki' am sumamba ra tuhan-tuhan ra bokon. Mangimpai ilo Raki' am lumungkang ra nabantuan Kuno.

SAGULION 6:18

Baalo' noyo atan ondo' moonsoi am matanda' ra pagilangan ru Tuhan, am makakaansayan kau. Akau tatangan ra tana' ondo' malabung, ondo' binantu' noyo ru Tuhan ra kinamatuaan mini,

SAGULION 6:23

Napalabus Tuhan ritakau intor ra Misir koson nagibit ritakau mongoi ragiti, am nanaak ritakau ra tana' ragitio koson ondo' binantu' Nano ra kinamatuaan takali.

SAGULION 8:12

Paat maalap min noyo ngaangai' ondo' tiakanon min, am nambaal noyo ra baloi mongoonsoi koson ra intok ayanan min;

SAGULION 9:1

“Rongogo' noyo, ulun ru Israil kau ngai'! Paat ra orou raiti' lumaup kau ra Sungoi Jordan, am mayan ra tana' ondo' linonggom ru bansa'-bansa' ondo' maayo poyo am maikang poyo intor ramuyun. Bandar-bandar nilo mangaayo, am timbok ru bandar-bandar no masawat saboi ra limbowon.

JOSUA 24:13

Nanaak Aku ramuyun ra pagun ondo' kalo nakandoi min am bandar-bandar ondo' kalo tinirong min. Raino minayan kau ra pagun no am mangakan ra kawa' ru anggur am jaitun intor ra puun-puun ondo' kalo tinanom min.’ ”