SAGULION 5:9 - Tanou Moonsoi Timugon

⁹ Pai' samba ra sinungkalalaing ru atan pana, kapoam mongompor raginio, sabap ra Aku noyo Tuhan i Aki Kapuuno' min am kalo masaga' Aku pogondoon ra atan pana. Mangukum Aku ra ulun ondo' masisang Raki'. Mangukum Aku niayuk ra papag nilo saboi ra sukor katalu am kaapat.

SAGULION 5:9 ပူးပေါင်းရင်းမြစ်များ

2 RAJA'-RAJA' 17:35

Nambaal Tuhan ra nabantuan ra ulun ru Israil, am nanusub ra, “Pai' samba ra tuhan-tuhan ra bokon; pai' igulatur, kapoam mangandoi, kapoam mampataak ra taak simbalui ra tuhan-tuhan raginio.

KAINGKUALAN 34:14

“Pai' samba ra tuhan-tuhan ra bokon, sabap ra Aku, Tuhan kalo masaga' pogondoon ra atan pana.

KAINGKUALAN 34:7

Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”

JIRIMIA 32:18

Nampakito Kou ra togom Muno ondo' mantilayun ra riribu ulun, kaa' nangukum Kou niayuk ra ulun sabap ra tula ru matuo nilo. Okou noyo i Aki Kapuuno' ondo' matulai am maikang toojo; Okou no Tuhan Ondo' Maayo Kaga' Kuasa'.

UNTABAN 14:18

‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’

SAGULION 4:16

kalo makatula kau ra mambaal ra sinungkalalaing ra akau galama' ralalom ru atan pana baal no, iou pana ra baal ru ungkuyon kapoam ruandu',

SAGULION 4:24

sabap Tuhan i Aki Kapuuno' mino koson ra apui ondo' mangumpo. Kalo masaga' Io pogondoon ra atan pana.

SAGULION 6:15

Amon ru sumamba kau ra tuhan-tuhan ra bokon, sumangit Tuhan no ramuyun. Sangit Nano koson ra apui, am pusoon kau lingono', sabap ra Tuhan i Aki Kapuuno' min ondo' soroi ra tatanga' mino, kalo masaga' pogondoon ra atan pana.

SAGULION 7:10

kaa' kalo pagantangan Io mangukum ra ulun ondo' masisang Riso.