SAGULION 5:33 - Tanou Moonsoi Timugon

³³ Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

SAGULION 5:33 ပူးပေါင်းရင်းမြစ်များ

1 RAJA'-RAJA' 3:14

Amon ru gumagaya' kou raki' am maya' ra ukum Kuno koson ra ama' muno i Daut ragili, manaak Aku rirun ra umur maawar.”

2 RAJA'-RAJA' 17:37

Kasalok kano gumagaya' ra ukum am susuban ondo' tinulisan Kuno ramuyun. Pai' samba ra tuhan-tuhan ra bokon,

1 TUNUNG RU BANSA' ISRAIL 28:8

Kon poyo ru Raja' Daut, “Ginio ra akau mamagun kuno, giu' ra saang ri Aki Kapuuno' takau am giu' ra saang ru ngaangai' ulun ru Israil, ulun ru Tuhan ti, kitaakon ku toojo maa' raginio gumagaya' kau ra ngaangai' susuban ru Tuhan, i Aki Kapuuno' takau. Ra koon raginio ra akau totopot mokolonggom ra pagun moonsoi ti am patungkuson ginio ra papag min saboi ra sabubuoi no.”

MAZMUR 119:6

Amon guangon ku ngaangai' panusuban Muno, kalo boo tauyuon aku.

MAZMUR 37:11

Ulun ondo' minggana' guang makatungkus ra pagun ti, am makasia' ra kalangkayaan ondo' lumuab-luab.

MAZMUR 37:22

Ilo ondo' binarakat ru Tuhan makatungkus ra pagun ti, kaa' ilo ondo' inulas Nano inggalarin.

MAZMUR 37:29

Ulun ra motopot manungkus ra pagun ti, am mayan ragiti ra sabuoi-buoi no.

MAZMUR 37:34

Lansan noyo ra Tuhan am gagayaa' noyo panusuban Nano; pataakon No pagun ti rirun koson mangurumat rirun, am makito mu ulun malaat inggalarin.

MAZMUR 37:9

Ulun ondo' malansan ra Tuhan makatungkus ra pagun ti, kaa' ulun malaat inggalarin.

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

JIRIMIA 42:6

Nakitaak akai rirun makiasi' ra Tuhan, i Aki Kapuuno' takau. Ginio ra ondo' pataamon Nano moonsoi kapoam kalo, gumagaya' akai Riso. Baal mai masauk ra moonsoi amon ru gumagaya' Riso.”

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

YEHEZKIEL 20:19

Aku, Tuhan i Aki Kapuuno' min. Gagaya' kano ra ukum am susuban Kuno.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

IPISUS 6:3

“Maa' raginio moonsoi ayuk kaayagan min am maawar boo umur min ra tana' ti.”

SAGULION 10:12

“Raino ulun ru Israil kau ngai', rongogo' noyo pulion ru Tuhan i Aki Kapuuno' min intor ramuyun: Urumato' noyo Tuhan am baalo' ngaangai' susuban Nano. Tagami' noyo Io am pangandoi noyo Riso ayuk ra sotopot ru guang;

SAGULION 11:9

Maayag kau ra mabuoi giu' ra tana' ondo' langkaya' am malabung, ondo' binantu' noyo ru Tuhan ra kinamatuaan min am papag min.

SAGULION 12:25

Amon gumagaya' kau ra ukum raginio, maansayan Tuhan ramuyun, am akau am niayuk papag min makakaansayan.

SAGULION 12:28

Ngaangai' baal ondo' nanusuban ku noyo ramuyun musiti' gagayaan ra matanda'. Ginio ra akau am papag min makakaansayan ra sabuoi-buoi no, sabap ra mambaal kau ra atan ondo' motopot am mapabansuk ra Tuhan i Aki Kapuuno' min.”

SAGULION 22:7

Maalap min anak-anak ru susuit no, kaa' musiti' min palabuson puunan ru susuit, maa' raginio akau maawar painawo am makakaansayan.

SAGULION 29:8

am ginaau tana' nilo. Tinaakan takau boo tana' nilo ra bansa' ru Rubin, Gad am sampiruo ra bansa' ru Manasi.

SAGULION 30:16

Amon ru gumagaya' kau ra susuban ru Tuhan i Aki Kapuuno' min ondo' taakin kuno ramuyun ra orou raiti', am amon ru motogom am niayuk gumagaya' kau Riso, am mambaal ra ngaangai' ukum Nano, am akau pana langkaya' am masauk ra bansa' ondo' maayo. Mambarakat Tuhan i Aki Kapuuno' min ramuyun giu' ra tana' ondo' kalo boo mabuoi ayanin min.

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 6:1

“Nanusub Tuhan i Aki Kapuuno' min raki' mangila' ramuyun ra ngaangai' ukum ti. Gagayaa' noyo ngaangai' no giu' ra tana' ondo' mataki' min ayanin.

SAGULION 6:3

Rongogo' noyo am gagayaa' noyo ukum-ukum raginio, ulun ru Israil kau ngai'! Koson raginio ra akau makakaansayan am masauk ra bansa' ondo' maikang, am niayuk mayan giu' ra tana' ondo' langkaya' am malabung no, koson ra ondo' binantu' noyo ru Tuhan i Aki Kapuuno' ru kinamatuaan takau.

SAGULION 8:1

“Gagayaa' noyo ra totopot ngaangai' ukum ondo' pataakon kuno ramuyun ra orou raiti', maa' raginio marayus kau maayag am rumuang suang mino, am makaayan ra tana' ondo' binantu' ru Tuhan ra kinamatuaan min.

1 TIMOTIUS 4:8

Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.