SAGULION 5:23 - Tanou Moonsoi Timugon

²³ “Paat ra titikop ru gunung no natauban ru apui am norongog min bolos intor ra kalandaman raginio, tingganai-tingganai ru bansa' am tingganai-tingganai ru mamagun min minatong raki'

SAGULION 5:23 ပူးပေါင်းရင်းမြစ်များ

SAGULION 18:16

Paat ra akau tumimung giu' ra Gunung Sinai, pakitaak kau maa' raginio kalo bagu mokorongog kau ra Tuhan mindagu, kapoam makakito ra ratangan Nano ondo' bibilak, sabap ra malaa' kau matoi.

SAGULION 5:22

“Ginio noyo ukum-ukum ondo' pinatinaak ru Tuhan ramuyun ngaangai' paat akau timinimung giu' ra gunung raginio. Paat Io minindagu ra bolos ondo' mosongou intor ra apui am gaun ondo' makapal no, nanaak Io ra ukum-ukum raginio ayuk. Io pana nanulis ra ukum-ukum raginio ra ruo batu tulis, am pinataak ginio raki'.”

SAGULION 5:24

am indagu, ‘Tuhan i Aki Kapuuno' takau nambala' ra kinaayo am katulayan Nano paat morongog takau ragu Nano intor ra apui no. Paat ra orou raiti' nakakito akai ra sasangulun magulayun maayag kabalu' pana minindagu noyo i Aki Kapuuno' riso.

SAGULION 9:15

Aku pana tumuun intor ra gunung no liliwa' nagibit ra ruo batu tulis ondo' tinulisan ra nabantuan no. Apui ondo' bibilak makito giu' ra gunung no.