SAGULION 5:2 - Tanou Moonsoi Timugon

² Nambaal noyo Tuhan i Aki Kapuuno' takau ra rondo' nabantuan ritakau giu' ra Gunung Sinai.

SAGULION 5:2 ပူးပေါင်းရင်းမြစ်များ

2 RAJA'-RAJA' 17:35

Nambaal Tuhan ra nabantuan ra ulun ru Israil, am nanusub ra, “Pai' samba ra tuhan-tuhan ra bokon; pai' igulatur, kapoam mangandoi, kapoam mampataak ra taak simbalui ra tuhan-tuhan raginio.

KAINGKUALAN 19:1

Iruani' boo ru ulun ru Israil Rapidim. Paat ra orou kasaa' sila' katalu ra ilo nakaingkual intor ra Misir, nakasaboi ilo ra tana' kaagisan Sinai. Nangkim ilo ra giu' no, lonson toojo ru Gunung Sinai.

KAINGKUALAN 24:8

Alapo' boo ri Musa raraa' ralalom ru mangkuk-mangkuk no am pawaso' ra ulun no. Kono, “Gitio noyo raraa' ondo' mamiot ra nabantuan ru Tuhan am akau paat ra Io nangani' ra ngaangai' susuban ti.”

KAINGKUALAN 34:10

Indagu Tuhan ri Musa, “Raino mambaal Aku rondo' nabantuan ra ulun ru Israil. Gino ra saang min, mambaal Aku ra baal mangaayo, ondo' kalo igondo' baalo' ra gino ngai' ru bansa' no ra titikop ru tana' ti. Makito ru ngaangai' bansa' ondo' maalap kabaal ru Aku, Tuhan, sabap ra baalin Ku akau ra baal mangaayo.

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 31:32

Nabantuan no sala' ka koson ra nabantuan ondo' binaal Kuno ra kinamatuaan nilai paat ra Aku nagibit risilo miningkual intor ra Misir. Kabalu' pana koson Aku ti ra sangulun ralaki risilo, kaa' inanggal nilo nabantuan Kuno risilo.

JIRIMIA 34:13

i Aki Kapuuno' ru Israil, nanusub raki' minindagu ra ulun raginio, “Nakimabantu' Aku ra kinamatuaan min paat ra Aku nagibit risilo miningkual intor ra Misir am nampalabus risilo intor ra pangulipanan. Nambala' Aku risilo ra

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

SAGULION 1:6

“Paat itakau soroi giu' ra Gunung Sinai, minindagu Tuhan i Aki Kapuuno' takau, ‘Sama' noyo buoi min minayan ra gunung ragitio.

SAGULION 29:1

Gitio noyo kitaak-kitaak ra nabantuan ondo' sinusub ru Tuhan ri Musa, koson binaal ra ulun ru Israil paat ilo giu' ra tana' Moab. Nabantuan raginio pinaruang ra nabantuan ondo' binaal ru Tuhan risilo giu' ra Gunung Sinai.

SAGULION 4:13

Nambala' Io ramuyun ra atan moonsoi baalon min koson sumugut ra nabantuan ondo' binaal Nano ramuyun; musiti' gagayaan min Mopor Ukum ondo' tinulisan Nano ra ruo batu tulis.

SAGULION 4:23

Karaa' noyo toojo! Pai' liliani' nabantuan ondo' binaal ru Tuhan i Aki Kapuuno' min ramuyun. Gagayaa' susuban Nano; pai' noyo lingon pambaal ra sinungkalalaing ralalom atan pana baal no ra tayar ramuyun,

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.