SAGULION 5:14 - Tanou Moonsoi Timugon

¹⁴ kaa' orou ondo' katulu' iono orou tangusan ondo' patimpokon Raki'. Paat orou raginio rondo' pana kalo pongondoyon: iou pana akau, anak mino, uliponon mino, bibiag tinambiag mino kapoam ulun bansa' ru bokon ondo' minayan giu' ra pagun min. Uliponon mino musiti' tumangus koson ramuyun.

SAGULION 5:14 ပူးပေါင်းရင်းမြစ်များ

KASAUKAN 2:2

Paat orou ra katulu', nopongo ri Aki Kapuuno' kandoi Nano am tangus Io boo.

NIGIMIA 13:15

Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat.

NIGIMIA 13:16

Kukula' ngaulun intor ra Tirus ondo' minayan giu' ra Jirusalim nagibit ra papait am mansalinut kuliamos ra Jirusalim, am tinalan nilo ra ulun ru Jaudi paat ra orou Sabat.

NIGIMIA 13:21

Pinakara' ku ilo, “Kolondo' onong min masuaban maginaa ra giu' no. Amon ru baalon min poyo baal raginio, moporos timbalos kuno ramuyun.” Intor raginio kalo boo minatong ilo paat ra orou Sabat.

NIGIMIA 5:5

Itakau ngaangai' bansa' ru Jaudi. Sala' ka kia anak-anak takano pana nogondo' bonsoi no ra anak-anak ru Jaudi ra bokon? Kaa' pinoloso mai kalalaat anak-anak mai nasauk ra ulipon. Mokoondo' poyo kukula' ngaulun anak ralaa mai ondo' tinalan noyo nasauk ra ulipon. Kolondo' nabaal mai ra atan pana sabap ra umo am umo ru anggur mai nasauk noyo ra longgom ru ulun ra bokon.”

KAINGKUALAN 23:12

“Pangandoi kano buoi kaanaman ralalom saminggu', kaa' paat ra orou ra katulu' kalo pongondoyon kau, maa' raginio ulipon mino am niayuk ulun bansa' ru bokon ondo' mangandoi ramuyun, am niayuk bibiag tinambiag min makatangus.

IMAMAT 23:3

Mokoondo' onom ngoorou akau mangandoi, kaa' karaa' noyo ra paat orou katulu', iono orou Sabat, iono orou tangusan. Pai' pangandoi orou raginio, kaa' pantimung no ra sumambayang. Orou Sabat no orou timpokon ra Tuhan, ra ati ayuk inayanan mino.

MARKUS 2:27

I Jisus pana minindagu risilo, “Orou Sabat ti binaal koson pataakon ra ulun, am sala' ka ulun binaal koson pataakon ru orou Sabat.

LUKAS 23:56

Kopongo ragili, uli' ilo am pomongo ra tatapis maamis owou koson paumawon ra baangkai ri Jisus. Suabon i orou Sabat ru ulun ru Jaudi, am sumugut ra Ukum ri Musa timinangus ilo.

SAGULION 5:13

Mokoondo' kau onom ngoorou mangandoi,

IBRANI 4:4

Sabap ra koson ra orou katulu', mokoondo' tinulisan ra Buuk Kitab, “Timinangus i Aki Kapuuno' ra orou katulu' intor ra ngaangai' kandoi Nali.”