SAGULION 4:9 - Tanou Moonsoi Timugon

⁹ Pagilalain! Tutunon ra buoi akau maayag, kalo noyo toojo malilianan min baal ondo' nakito min noyo ra mato min galama'. Balai' noyo anak akupu mino

SAGULION 4:9 ပူးပေါင်းရင်းမြစ်များ

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 71:18

Raino matutuo aku no am uanon aku no, pai' aku tatango', iou Aki Kapuuno'. Bayaa' aku bulintok ra aku mapatanou ra kuasa' am katulayan Muno ra ngaangai' papag ra matong ti.

KAINGKUALAN 10:2

am maa' raginio mabalaan min anak am akupu min ati kulaan inanja'-anja' Ku ulun ru Misir, paat ra Aku mambaal ra kaimuagan. Makapandai kau ngaangai' ra Aku noyo Tuhan.”

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

AMSAL 1:8

Karaa' noyo atan rinagu ru matuo muno rirun, anak kuno,

AMSAL 23:26

Alii ra anak kuno, imansai' toojo am bayaa' bayag kuno.

AMSAL 3:21

Alii ra anak kuno, guuto' kapintaran am pangaratian, pai' igogondo' labusi',

AMSAL 7:1

Alii ra anak kuno, karaa' bilin kutu, am pai' liliani' panusuban kuno.

JISAYA 38:19

Ulun naayag ayuk mongompor Rirun, koson ragino ra aku mongompor Rirun. Ama' nantunung ra gagaya' Muno ra anak nilono.

JISAYA 42:20

Akau Israil, masuang kaga' nakito mini, kaa' mapara' kalo kukula' maratian mini. Makatalingo kau, kaa' kalo mokorongog kau.”

JIRIMIA 17:21

Indagu koson ragitio, ‘Amon ru marara' kou matoi, pai' pangkayang ra maagat paat ra orou Sabat, kapoam magibit raginio mumpos mansail ra kulobon-kulobon garabang ru Jirusalim.

LUKAS 8:18

“Ginio ra talinaasi' min noyo atan ondo' norongog mino. Sabap ra osoi mokoondo' noyo, ruangin poyo. Kaa' osoi kolondo' atan-atan, sanganu ayuk pana ondo' indos no soroi riso, alapon poyo.”

IPISUS 6:4

Matuo kau ngai', pai' kau pampakaruol ra guang ru anak mino suku' ra malikokot ilo. Kaa', sotopot no alungi' am ilaa' min ilo ra pangilaan ru Tuhan.

SAGULION 11:19

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

SAGULION 12:1

“Raino rongogo' noyo ngaangai' ukum ondo' musiti' gagayaan buoi akau mayan giu' ra tana' ondo' taakin ru Tuhan i Aki Kapuuno' ra kinamatuaan min.

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.

SAGULION 17:19

Kitab no musiti' masalok paumbiron ra raja', am musiti' io mambasa' ra kitab no buoi io maayag, maa' raginio migila' io mangurumat ra Tuhan am totopot gumagaya' ra ngaangai' susuban ralalom ru kitab no.

SAGULION 29:29

Topot ra mokoondo' kukula' baal ondo' kalo pinabala' ru Tuhan i Aki Kapuuno' takau, kaa' nambala' Io noyo ritakau ra Ukum Nano, am itakau am niayuk papag takau musiti' maya' raginio ra sabubuoi no.”

SAGULION 31:19

Raino tulisi' noyo rimbai ragitio am ilaa' ra ulun ru Israil. Rimbai ragitio masauk ra sasi' risilo.

SAGULION 32:46

indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.

SAGULION 4:10

intor ra orou raginio, paat akau minigor giu' ra saang ru Tuhan i Aki Kapuuno' min giu' ra Gunung Sinai. Paat raginio minindagu Io raki', ‘Timungo' ngaangai' ulun ragitio. Masaga' aku risilo rumongog ra bala' Kuno maa' raginio migila' ilo gumagaya' Raki' sabuoi ru bayag, am maa' raginio mangila' ilo ra anak-anak nilo koson gumagaya' Raki'.’

SAGULION 4:15

“Paat ra Tuhan minindagu ramuyun intor ralalom ru apui giu' ra Gunung Sinai, kalo nakakito kau ra atan baal pana. Ginio ra, tutuno' noyo maa' raginio

SAGULION 4:23

Karaa' noyo toojo! Pai' liliani' nabantuan ondo' binaal ru Tuhan i Aki Kapuuno' min ramuyun. Gagayaa' susuban Nano; pai' noyo lingon pambaal ra sinungkalalaing ralalom atan pana baal no ra tayar ramuyun,

SAGULION 6:12

pagilalain maa' raginio kalo malilianan min Tuhan ondo' nagibit ramuyun miningkual intor ra Misir, intok min inulipon ragili.

SAGULION 6:2

Buoi ru bayag, musiti' akau am papag min mangurumat ra Tuhan i Aki Kapuuno' min am gumagaya' ra ngaangai' ukum Nano ondo' taakin kuno ramuyun, maa' raginio maawar painawo min giu' ra tana' raginio.

SAGULION 6:20

“Paat ra orou matong, mangkuot anak-anak min, ‘Kua ra Tuhan i Aki Kapuuno' takau nanusub ritakau koson gumagaya' ra ngaangai' ukum no?’

SAGULION 6:7

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

SAGULION 8:11

“Tutuno' noyo maa' raginio kalo lilianin min Tuhan i Aki Kapuuno' min. Pai' kaliliani' gumagaya' ra rondo' ukum pana ondo' taakin kuno ramuyun ra orou raiti'.

SAGULION 8:14

tutuno' noyo maa' raginio kalo malilimbau kau, am kalo lilianin Tuhan i Aki Kapuuno' min ondo' nagibit noyo ramuyun miningkual intor ra Misir, intok min inulipon ra galing i.

IBRANI 2:1

Sabap ra kuasa' ru Anak Nano maayo intor ra malaikat, mingkotog takau poyo toojo gumuut ra pangilaan ondo' norongog takau noyo, maa' raginio kalo mangiruan takau ra katapatan.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

JAKUBUS 2:22

Makito noyo toojo pangintapatan nano nabaya' niayuk ra ondo' binaal nali ra moonsoi; am mansail ra ondo' kinandoi nali pangintapatan nali norontop.

JOSUA 1:18

Moonong ulun ondo' marara' kumuku' ra kuasa' muno kapoam kalo gumagaya' rondo' ra susuban muno ukumin ra matoi. Musiti' kou mangintopot am baani!”

JOSUA 23:11

Ginio ra musiti' kau totopot motogom ra Tuhan i Aki Kapuuno' min.

JOSUA 4:21

Indagu io ra ulun ru Israil, “Paat ra orou matong, paat anak akupu min mangkuot ra arati' ru batu rati,

PINAINTALANG 3:3

Karaa' atan ondo' inila' ra galing i ramuyun am atan ondo' rinongog min. Gagayaa' noyo gitio am talikur no intor ra tula mino. Amon ru kalo kumarat kau, matong Aku ramuyun koson ra mantatakou no am kalo mapandayan min sanggilan ratangan Kuno.

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.

TINGGANAI RU BANSA' 8:34

Kalo boo sumambayang ilo ra Tuhan i Aki Kapuuno' nilo, ondo' nampalabus risilo intor ra kuasa' ru pantula' ra libung nilo.