SAGULION 4:6 - Tanou Moonsoi Timugon

⁶ Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

SAGULION 4:6 ပူးပေါင်းရင်းမြစ်များ

1 RAJA'-RAJA' 4:34

Raja'-raja' ra titikop ru tana' ti nokorongog intor ra kapintaran ru Raja' Salomo, am nanusub ilo ra ulun mongoi riso koson rumongog ra raguon nano.

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

MAZMUR 19:8

Ukum ru Tuhan no naukop toojo, mampaligag ra salibuor. Panusuban ru Tuhan no maintopot, manaak ra kapandayan ra ulun ondo' mompogogot no.

AMSAL 1:4

Ulun kolondo' kailian ilaan no saboi makaalap ra pangkaraan malarom, am ulun mamulok ilaan no masauk ra ulun mapandai am makapangkara' koson ra matutuo.

AMSAL 1:5

Intor ra amsal ragitio ulun mapintar pana rumuang katutunan nano, am ulun makainigilaan mokoowot ra pangilaan.

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

AMSAL 14:34

Katimpakan magibit ra kasingkatan ru bansa', kaa' tula maparatong ra pagasaban ra bansa'.

AMSAL 14:8

Ulun mapintar makapandai ra atan baalon nilo; ulun sasambungon maruung ru kabuduan nilo galama'.

JISAYA 42:21

Masalok Tuhan masaga' mamayag; masaga' Io ra ukuman Nano urumaton am tulayon.

JIRIMIA 8:9

Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

YEHEZKIEL 5:5

Indagu Tuhan Raja', “Ilai' Jirusalim no! Paayanon Ku bandar no giu' ra pusor ru tana' ti, am pagun-pagun ra bokon giu' ra libung nano.

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

DANIL 4:9

Okou Biltsajar, tingganai ru ulun ondo' mapandai, nakapandai aku ra ambiluo ru dewa-dewa ondo' mapasau soroi rirun, am makarati' kou ra ngaangai' ondo' nakasibuni ondo' malandom. Gitio noyo inupi kuno. Pambala' ra arati' nano.

GOSIA 8:12

Nanulis Aku noyo ra masuang pangilaan risilo, kaa' inimpayan nilo ngaangai' no sabap ra mangkara' ra pangilaan no sasala' am kalo natutunan.

MALIAKI 3:12

Akau pana raguon boo ra ondo' maansukan ru ngaangai' bansa', sabap ra pagun min masauk ra intok ayanan ondo' moonsoi.”

SAGULION 29:9

Gagayaa' noyo toojo ngaangai' kitaak ru nabantuan ti maa' raginio makasugut kau ralalom ngaangai' ru kandoi min.

SAGULION 32:46

indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.

SAGULION 32:47

Pangilaan ti sala' ka ragu ra kolondo' onong, kaa' pangilaan ti noyo painawo min. Gagayaa' noyo ngaangai' no maa' raginio maawar umur min giu' ra tana' ra sandaup ru Sungoi Jordan, tana' ondo' mataki' min ayanin.”

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

JAKUBUS 3:13

Osoi ak intor ramuyun ondo' mangkara' ra makaintutun am mapintar io, moonsoi ru pakitonon no ginio mansail ra kaayagan am baal moonsoi nano, mabaya' ra guang minggana' am kapintaran.