SAGULION 4:44 - Tanou Moonsoi Timugon

⁴⁴ Nangani' i Musa ra ukum am pangilaan ri Aki Kapuuno' ra ulun ru Israil.

SAGULION 4:44 ပူးပေါင်းရင်းမြစ်များ

2 RAJA'-RAJA' 17:37

Kasalok kano gumagaya' ra ukum am susuban ondo' tinulisan Kuno ramuyun. Pai' samba ra tuhan-tuhan ra bokon,

IMAMAT 27:34

Ginilo noyo susuban ondo' pinataak ru Tuhan ri Musa giu' ra tampak ru Gunung Sinai tayar ru ulun ru Israil.

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

UNTABAN 36:13

Ginio noyo ngaangai' inaru' am aturan ondo' tinaakan ru Tuhan ra ulun ru Israil ra pinasaboi galing ri Musa, paat ra ilo giu' ra tana' marata' ru Moab, giu' ra sandaup ru Sungoi Jordan, nantaluma' ra bandar Jiriko.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

SAGULION 1:5

Paat ra ulun ru Israil soroi giu' ra tampilon sirangon ru Sungoi Jordan giu' ra Moab, timinalimpuun i Musa nambala' ra sinail ukum am pangilaan ri Aki Kapuuno'. Indagu i Musa,

SAGULION 27:26

“ ‘Kaulas noyo ulun ondo' kalo gumagaya' ra ukum am pangilaan ri Aki Kapuuno'.’ “Ngaangai' ulun tumaam ra, ‘Amin!’ ”

SAGULION 27:3

Tulisi' noyo ngaangai' ukum ti ra batu-batu raginio. Paat ra akau makasaboi giu' ra tana' ondo' langkaya' am malabung ondo' binantu' ru Tuhan i Aki Kapuuno' min ra kinamatuaan min,

SAGULION 27:8

Ginio ra batu-batu no ondo' kinapuran no, tulisi' noyo ra matanda' moonong ragu intor ra ukum ri Aki Kapuuno' no.”

SAGULION 33:4

Gumagaya' takau ra Ukum ondo' tinaakan ri Musa ritakau; ginio noyo rapu' ru bansa' ondo' mologo kaga'.

SAGULION 4:43

Bandar Bijir giu' ra tana' marata' masawat ru tana' kaagisan tinaakan koson ra bandar pangampinan tayar ru bansa' ru Rubin. Bandar Ramot giu' ra libung Giliad tinaakan koson ra bandar pangampinan tayar ru bansa' ru Gad. Bandar Golan giu' ra libung Basan tinaakan koson ra bandar pangampinan tayar ru bansa' ru Manasi.

SAGULION 4:45

Nangani' i Musa risilo ra ukum raginio malupus ilo miningkual intor ra Misir, am soroi giu' ra tampilon sirangon ru Sungoi Jordan, giu' ra limayak ra sandaup ru bandar Bit-Pior. Libung ragitio nakasimpung ra wilayah ondo' ragili Raja' Sigon tatangan, raja' ru ulun ru Amori, ondo' nakaili' namarinta giu' ra bandar Gisybon. Kinala ri Musa am ulun ru Israil raja' no paat ilo miningkual intor ra Misir.

JOSUA 12:1

Ulun ru Israil nampagaau noyo am minayan ra wilayah tampilon ra sirangon ru Sungoi Jordan, intor ra Limayak Arnon saboi ra Limayak Jordan am saboi ra galur ru Gunung Girmon giu' ra ralayo. Kinala nilo ruo ngaulun raja'.