SAGULION 4:42 - Tanou Moonsoi Timugon

⁴² Bandar-bandar raginio masauk ra intok ru sasangulun mibayag, amon kalo siningon no mamatoi ra sangulun ondo' sala' ka pantula' nano. Ulun ondo' namatoi no iowon magiru' ra rondo' ra bandar raginio am kalo potoyon io.

SAGULION 4:42 ပူးပေါင်းရင်းမြစ်များ

UNTABAN 35:6

Akau musiti' manaak ra ulun ru Liwi ra onom bandar panindungan, maa' raginio amon ru mokoondo' osoi ondo' namatoi ra ulun ra kalo siningon, makapagiru' ulun no ra rondo' ra bandar raginio. Suai raginio, pataakin niayuk risilo 42 bandar,

SAGULION 4:41

Kopongo raginio nampili' i Musa talu bandar giu' ra tampilon sirangon ru Sungoi Jordan.

SAGULION 4:43

Bandar Bijir giu' ra tana' marata' masawat ru tana' kaagisan tinaakan koson ra bandar pangampinan tayar ru bansa' ru Rubin. Bandar Ramot giu' ra libung Giliad tinaakan koson ra bandar pangampinan tayar ru bansa' ru Gad. Bandar Golan giu' ra libung Basan tinaakan koson ra bandar pangampinan tayar ru bansa' ru Manasi.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.