SAGULION 4:40 - Tanou Moonsoi Timugon

⁴⁰ Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

SAGULION 4:40 ပူးပေါင်းရင်းမြစ်များ

MAZMUR 105:45

maa' raginio ulun Nano gumagaya' ra ukum Nano, am mambaal ra ngaangai' panusuban Nano. Omporo' noyo Tuhan!

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

KAINGKUALAN 23:26

Giu' ra pagun min, kolondo' ruandu' mairuan kapoam tabanang. Aniin Ku akau ra umur maawar.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

JISAYA 65:20

Anak-anak kalo matoi bulintok lakat lalagang, am ulun maawar painawo. Ilo ondo' makaumur maatus ngambilor karaan ra mamulok. Osoi matoi ra kalo poyo makasuku' maatus ngambilor karaan ra natiu' ra ukuman Kuno.

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 35:18

Aku pana nambala' boo ra bansa' ru Rikab, ra Tuhan Ondo' Maayo Kaga' Kuasa', i Aki Kapuuno' ru Israil minindagu, “Ginagaya' min susuban ru kinamatuaan min i Jonadab; sinugut am binaal min nanusuban nano.

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

JIRIMIA 7:7

Amon ru mangulau kau ra baal ru kaayagan am paliso min am niayuk lumonggo' mambaal ra ngaangai' no, mangiou Aku ramuyun magulayun ayan ra pagun ti ondo' tinaakan Kuno ra kinamatuaan min koson ra tana' tungkuson.

IMAMAT 22:31

Indagu Tuhan, “Gagayaa' noyo ngaangai' susuban Kuno; Aku noyo Tuhan.

UNTABAN 10:29

Indagu i Musa ra lango' nano i Gobab anak ri Jitro, ulun ru Midian no, “Mugar akai mongoi ra intok ondo' kon ru Tuhan paat Io minindagu ra manaak raginio ramon. Nambantu' Io noyo ra baal ondo' moonsoi ra ulun ru Israil. Ginio ra baya' ramon am moonsoi akai rirun.”

JUANIS 14:15

“Amon ru motogom kau Raki', suguton min panusuban Kuno.

IPISUS 6:3

“Maa' raginio moonsoi ayuk kaayagan min am maawar boo umur min ra tana' ti.”

SAGULION 11:9

Maayag kau ra mabuoi giu' ra tana' ondo' langkaya' am malabung, ondo' binantu' noyo ru Tuhan ra kinamatuaan min am papag min.

SAGULION 12:25

Amon gumagaya' kau ra ukum raginio, maansayan Tuhan ramuyun, am akau am niayuk papag min makakaansayan.

SAGULION 12:28

Ngaangai' baal ondo' nanusuban ku noyo ramuyun musiti' gagayaan ra matanda'. Ginio ra akau am papag min makakaansayan ra sabuoi-buoi no, sabap ra mambaal kau ra atan ondo' motopot am mapabansuk ra Tuhan i Aki Kapuuno' min.”

SAGULION 22:7

Maalap min anak-anak ru susuit no, kaa' musiti' min palabuson puunan ru susuit, maa' raginio akau maawar painawo am makakaansayan.

SAGULION 25:15

Pakayo' timbangan am panuku' ra motopot, maa' raginio maawar umur min giu' ra tana' ondo' pataakon ramuyun ru Tuhan i Aki Kapuuno' min.

SAGULION 32:47

Pangilaan ti sala' ka ragu ra kolondo' onong, kaa' pangilaan ti noyo painawo min. Gagayaa' noyo ngaangai' no maa' raginio maawar umur min giu' ra tana' ra sandaup ru Sungoi Jordan, tana' ondo' mataki' min ayanin.”

SAGULION 33:25

Gama' ru ampinin bandar-bandar nano ru kulobon garabang basi', gama' ru bayag nano magail moonsoi am mamimio.”

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:2

Pai' ruangi' sanganu pana am pai' irurui' sanganu pana ra atan ondo' nanusuban kuno. Gagayaa' noyo susuban ru Tuhan i Aki Kapuuno' min ondo' pinasaboi ku noyo ramuyun.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

SAGULION 5:10

Kaa' pakitonon Ku togom Kuno ra riribu papag ondo' motogom Raki', am ondo' gumagaya' ra ukum Kuno.

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

SAGULION 6:18

Baalo' noyo atan ondo' moonsoi am matanda' ra pagilangan ru Tuhan, am makakaansayan kau. Akau tatangan ra tana' ondo' malabung, ondo' binantu' noyo ru Tuhan ra kinamatuaan mini,

SAGULION 6:3

Rongogo' noyo am gagayaa' noyo ukum-ukum raginio, ulun ru Israil kau ngai'! Koson raginio ra akau makakaansayan am masauk ra bansa' ondo' maikang, am niayuk mayan giu' ra tana' ondo' langkaya' am malabung no, koson ra ondo' binantu' noyo ru Tuhan i Aki Kapuuno' ru kinamatuaan takau.

1 TIMOTIUS 4:8

Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.