SAGULION 4:38 - Tanou Moonsoi Timugon

³⁸ Napagiru' Io ra bansa'-bansa' ondo' maayo poyo am maikang poyo intor ramuyun, maa' raginio makapagibit Io ramuyun mongoi ra tana' nilo, am manaak ramuyun ra tana' raginio. Saboi raino tana' no lakat poyo akau tatangan.

SAGULION 4:38 ပူးပေါင်းရင်းမြစ်များ

2 TUNUNG RU BANSA' ISRAIL 20:11

Raino ilai' ralan nilo mambalos ramon – matong ilo koson mapagiru' ramon intor ra tana' ondo' tinaakan Muno ramon.

2 TUNUNG RU BANSA' ISRAIL 20:7

Okou no i Aki Kapuuno' mai. Paat ra ulun Muno Israil minanding ra pagun ti, pinagiru' Mu bansa' ondo' minayan ragiti am nangani' ra tana' ti ra papag ri Abragam, rangan Muno, koson masauk ra tungkuson nilo ra sabubuoi no.

UNTABAN 34:14

Bansa' ru Rubin, bansa' ru Gad, am sampiruo intor ra bansa' ru Manasi, nakaapu noyo ra tayar nilono, ondo' tinayar sumugut ra sasambaloi nilono.

UNTABAN 34:15

Tana' tungkuson nilono intok no giu' ra sirangon ru Sungoi Jordan, nantaluma' ra bandar Jiriko.”

SAGULION 11:23

Pagiruon No boo ngaangai' bansa' no paat akau jumalai, am mayan kau ra tana' ra linonggom ru bansa' ondo' mangaayo poyo am mangaikang poyo intor ramuyun.

SAGULION 2:31

Indagu boo Tuhan raki', ‘Ilai' noyo, pinataak Ku noyo ramuyun Raja' Sigon am pagun nano. Gaawo' noyo am ayani' noyo tana' nano.’

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

JOSUA 3:10

Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min